ha mujhko kuch waqt laga hai

khushbu jaise log mile hain, mujhko kuch virano mein,
kitni sadiya beet gayi hain, dil ko mere samjhane mein,

kiska sath nibhaye koi, mera sath bhi deta kaun,
kuch logo ne waqt liya par, mujhse door jaane mein,

pyar, wafa, rishte aur naate, naye daur mein sab hain baatein,
phir bhi mujhko apna samjha, kuch aadam deewano ne,

dil tuta hai kitni baar, kab kyu rutha mujhse pyaar,
yaad nahi kya khoya paya, safar mere anjane ne,

kitna safar gawaaya maine, kitne manzil paya maine,
kuch raho ko waqt laga par, manzil koi bhulane mein,

zakhm har ek bhar jata hai, maraham waqt lagata hai,
waqt bhi par nakaam raha hai, mere zakhm mitane mein,

kiski jaat se kaun jurd saka, kisiki dard ko samjhe kaun,
kuch logo ko sauk hua par, mujhko aur sataane mein,

mere liye sab kuch waisa hai, mere liye sab kuch jaisa tha,
ha mujhko kuch waqt laga hai, umr ke daur bitane mein,

raahein, gardish aur naseeb, tino mujhse aage the,
par koshish kuch to lagti hai, kisi ke piche jaane mein..