haatho ke inn chand lakiron mein

jo gujar gaye unn lamhon mein,
jo saath hain unn yaadon mein,
yeh kya dundhata hoon,
haatho ke inn chand lakiron mein,

jo kal raat dekha tha uss sapne mein,
har aane waale kal mein,
apni kismat ko dundhata hoon main,
haatho ke inn chand lakiron mein,

jo bichard gaye unn logon mein,
har anjaane se chehare mein,
ek dost dundhata hoon main,
haatho ke inn chand lakiron mein,

jo dekha hai sirf khwaabon mein,
chaha hai jisko dil-hi-dil mein,
humsafar wohi dundhata hoon,
haatho ke inn chand lakiron mein.