kyun sab jaan kar bhi anjaan hoon main

dard dil se nikal raha hai kyun,
koi mere bhitar mar raha hai kyun?

kyun laachar hoon main khud se,
dil itna mera macchal raha hai kyun?

kyun jaane aaj ho raha hai ehsaas,
mujhe chu ke koi jaa raha hai kyun?

kyun mere dil mein aaj jaagi hai pyaas,
mera aks aaj baat kar raha hai kyun?

kyun kar raha hoon main nakaam koshish,
umeed mujhe koi de raha hai kyun?

kyun sab jaan kar anjaan hoon main,
dil ek aas ka intezaar kar raha hai kyun?

kyun mere ander se koi deta hai sadaa?
thehar thehar ke dil karaah raha hai kyun?