kaash meri ek baat par saara shamaa badal jaaye

kaash mere ek awaaj par
yeh duniya dol jaaye,
abhi hai shaam
abhi subah ho jaaye.

kaash meri ek baat par
saara shamaa badal jaaye,
har insaan ke chehare par
muskaan fail jaaye.

kaash meri ek chaah mein
itna wajan ho jaaye,
adhure kore sapno mein
har rang bhar jaaye.

kaash yeh duniya
mere bas mein yun ho jaaye,
koshish rahegi meri
koi raaj phir na kho jaaye.

kaash waqt phir se
apani baat na duhraaye,
jis raah mein bardhta tha kabhi
ussi par kadam laut jaaye.