lautane hi sahi meri jaan aao

kyun khafa- khafa se baithe ho,
aao mere dil ke mehmaan aao,
aao ki kuch samaan baaki hai,
lautane hi sahi, meri jaan aao..

woh chand lamhein raaton ke,
jab saari raat main jaagta tha,
mere kaandhe ka sirhana bana,
tumhein baahon mein sulata tha,
wo chand lamhein lautane aao,
aao mere dil ke mehmaan aao..

woh shaakh ke patton ki sarsarahat,
jahan ghanton baith gujaarta tha,
ussi intezaar mein tumhare liye,
ek pura nagama gungunata tha,
woh sarsarahat lautane aao,
aao mere dil ke mehmaan aao..

har sham gali ke nukaad se gujarte huye,
mere piche scooter me baitha kerti thi,
mere haatho mein haath daal ker,
tum mujh mein ek vishwaas jagati thi,
woh shaamien lautnaane aao,
aao mere dil ke mehmaan aao..

iss dil ko tardpana tumhari aadat rahi,
tumhari hassi, humari ibaadat rahi,

naya ek jahaan mil gaya tumhein,
nacheez ko sukun kabhi mila na hamein,
ek naye gam se mujhe tardpaane aao,
aao mere dil ke mehmaan aao,

aao, ki mera kuch samaan baaki hai,
lautane hi sahi meri jaan aao..