kuch bataao to kahoon tum se kuch apni main bhi

paas aao to kahoon tumse, kuch apni main bhi,
muskuraao to kahoon tum se, kuch apni main bhi,

bina tumhaare, kayi badnasibi, sar se guzare hain,
kuch bataao to kahoon tum se kuch apni main bhi,

tum wahaan, mein yahaan, yeh kya hai, maajraa kya hai?
kuch sunaao to kahoon tum se kuch apni main bhi,

khafa nahi ho jaantaa hoon, dooriyoun ko ab,
kuch ghataaoto kahoon tum se kuch apni main bhi,

yeh parda beech mein hamare hain kyun?
yeh hataao to kahoon tum se kuch apni main bhi,

abhi bhi itne door kyu ho, saamane mere chale aao,
rukh dikhlaao to kahoon tum se kuch apni mein bhi.