uske bin iss tannha dil ko kaise behlau

ya rab tu hi bata main usse kaise bhulau,
uske bin iss tannha dil ko kaise behlau.

meri ibadat mein kya kami thi jo yeh haal kar diya
apne hii pahchante nahii gairon kaa kya batlau.

khoob kar sitam hum par jee bhar ke le imthaan,
uff tak naa karunga chahe ghut ghut ke hi mar jaaun.

jiske liye rab ne duniya banai,

woh hi nahi iss duniya mein,
jaanta hoon par dil ko yakeen kaise dilaaun.

aye khuda gar madad karni hai to bas itna bata de,
teri duniya se main usse wapas kaise bulaaun.

dil bhar gaya teri iss duniya se maula,
ab bhi bula le...

 kahin main khud naa chala aaun.