kuch iss tarah waqt hatho se sarakta raha

waqt iss tarah hatho se sarakta raha,
naa apni khata jaan paaya aur
na zindaagi ko sawaar paaya.

mujhse koi umeed naa rakh ab aye dil,
nazar to aata hoon zinda main par
saans bhi aaj kal udhaar si lagti hai.

raah mein bikhre huye the rishte
socha baahon mein samet lu apne,
par na jaane daaman main yah kaisi
kaanto si chubhan chhu rahi hai.

kya yahi meri khata hui ke
tumhe khushiya dene ki chah mein,
naa jaane kitne abhaav apna liye
aur yahi abhaav dekh tumne kaha
ab patjhad sa nazar aa rahe ho tum.