dost banaya hai apna to dosti nibhao yaaro

dost banaya hai apna to dosti nibhao yaaro,
kadam-dar kadam humein yun na aazmao yaaro,

har imtehan ke liye tayyar hain hum,
lekin pehle apna wajood bhi to banao yaaro.

hamari nazro mein to tum aaj bhi wahi ho,
apni nazro mein thodi gairrat to laao yaaro,

zamane ki ungliya tumhi par uth rahi hai har tarf,
hamari chordo.. pehle unhein samjhao yaaro.

kisi jhoti hum-dardi se kyun dete ho dilasa,
pehle khud ko sach ka aaina dikhao yaaro,

kya sochte ho.. mita doge hasti meri?
pehle kisi rotey hue bacche ko chup to karao yaaro,

jis dosti par kal tak tha humein fakhr bahut,
chalo aaj kahi isse dafna-aao yaaro.