khokla sa mera yeh mann hai

naa dil hai, naa dhardkan hai,
bas khokla sa mera yeh mann hai,

naa khushi ki koi jhalak,
naa woh sharmayi huyi si palak,

naa woh pyaar bhari aankhon ki bhanak,
naa teri woh dheemi dheemi si mehak,

gayi ho jab se tum,
mere is jeevan se baahar,

suna suna lag raha hai,
mera yeh dil kaa aangan,

veeranapan chaya hai har jagah,
mere dil aur jigar mein,

lagta hain aise ki main,
aa gaya hoon ek anjaan shahar mein,

jaantha nahi kya karoon,
maanta nahi mera dil kahi,

adhoori si yeh zindagi meri tumhare bina,
lagta hai jaise aaj shuru huyi,
aur anth bhi aaj hi huyi.