humse bichard kar jee lene se kya saabit tum kar paaoge?

iss lambi pehchaan se kuch bhi hua haasil nahi,
tum mein woh dard jagaa paayein,
shayad hum mein hi woh baat nahi.

ab bas ek udaasi hai,
jo tum kabhi na samajh paao,
par tum khush rehkar bhi dekh lo,
gar yaadon ko mita paao.

apni aankhein mund lene se,
ehsaason ko na mita paaoge,
humse bichard kar jee lene se,
phir kya saabit tum kar paaoge?

bas ab ek vishwaas hai,
muh mord kar gar main chala jaau,
tardpoge to tum bhi phir,
bayaan mijhse bhi na kar paaoge.

pyaar sammetna seekh lo,
to pyaar lutana bhi jaan jaaoge,
par ab na jaane kahan sammetoge,
aur na jaane kahan lutaoge.

jo mere pyaar ki kadr na kar sako,
to iska gila sirf mujhe rahega,
jis din keemat jaanoge,
sirf tardpoge aur pachtaoge...