ek aakhri baar tumse milna chahta hoon

ek aakhri baar tumse milna chahta hoon,
zindagi abhi bahut baki hai,
jeene ke liye aakhri baar dil mein tumhari,

kuch yaadein pirona chahta hoon,

wada kerta hoon aashu nahi aane dunga tumhari aankhon mein,
hum dono ke hisse ke aashu main bas, 
apni aankhon se rona chahta hoon,

ek aakhri baar tumse milna chahta hoon.

tum phir aashu pochna mere,
ek aakhri bar tumhari mere liye,

fikar ko dekhna chahta hoon,

bas ek baar tumse milna chahta hoon.

tum bas muskurati rehna,
tumhara muskurata chehra,

main aankho mein bhar kar le jana chahta hoon,

ek aakhri baar tumse milna chahta hoon.

tum mera haath thamme rehna jab tak hum sath rahein,
tumhari us chuuan ko main,

apne marne tak zinda rakhna chahta hoon, 

main aakhri baar tumse milna chahta hoon.

us din main jada kuch nahi boluga,
tab bahut kuch bas aankho se kehna,

aur samajhna chahta hoon,

ek aakhri baar tumse milna chahta hoon.

kitna pyar hai tumse ab tak lafzo mein kaha,
aakhri baar apni khamoshi main kehna chahta hoon,

ek aakhri baar tumse milna chahta hoon.

tumhare paas hone ke ek ek pal ko aise jeena hai mujhe,
ki zindgi bhar tum mujhe mere pas najar aati raho,
tumhare aise weham ke sahare,

main apni puri zindgi gujaar dena chahta hoon,

ek aakhri baar ... 

bas ek aakhri baar tumse milna chahta hoon.