mera hokar bhi khudh ko gair ka batane wale

mera hokar bhi khudh ko gair ka batane wale, 

door kaise jaoge mujhse, yeh hath churdane wale, 

koi humdam naa milega tumhein humsa yahaan, 

hum to mitte shauk se, ab milenge mitane wale, 

kin baaton ka gunahgaar bana diya iss jaan ko, 

nafrat yun mili humein, juda huye manane wale,

humein nahi gham, na koi shikayat hai iss saza se, 

khuda jaane inmein kitne hai, hum din bitane wale,

par hai ek wada tujhse bhi aye sitamgar haseena, 

ashk girenge tumhare bhi, bhale ho dikhane wale, 

khush kaise rahegi tu gar tha tera saccha pyar,
tera dil bhi katega, mujh pe khanjar chalane wale.