har baar main tujhe yaad karta hoon

beete huye kal ki aawaz..
ek dard si jagati hai seene mein, 

usse dard kaho yaa dil ka sukoon,
yehi dard aur sukoon ke kashmakash mein,
har baar main tujhe yaad karta hoon.

tu to basi hai mere soor mein,
phir bhi tujhe sunne ko tarasta hoon,

tu hi to chhayi hai mere khwabon mein,
phir bhi tujhe dekhne ko tardapta hoon,

tujhe sunne aur dekhne ki kashmakash mein,
har baar main tujhe yaad karta hoon.

kabhi aisa lagta hai ki tu mere paas hai,
to kabhi lagta hai ki tu bahut door hai,

aaj bhi main tera saath mehsoos karta hoon,
phir bhi dil mein kuch kami si hai,

iss saath aur doori ki kashmakash mein,
har baar main tujhe yaad karta hoon.