tumne hi to banaya hai shayer mujhe

yun hi likh raha hoon
apane jeevan ka ek pal,
yaad aa raha hai mujhe
gujara hua woh kal…

jab se tum mili thi
nayano mein ek roshni thi,
mil ke tumse acchha laga tha
pyar ka pahla ehsaas sachcha laga tha,

samay badlaa, takdirein badali,
waqt ke sath tasweerein badali,
par dil wahi tha,
jis dil ne tujhe dekha tha,

tum milo ya na milo mujhe
tasweer dil mein bani rahegi,
tumne hi to banaya hai shayer mujhe
marte dam tak aas teri lagi rahegi.