ek baar karde woh aankhon se hi ishaara

ban gaya jo anjaanaa koi, iss dil ka mehmaan hai,

dil mein unke bhi mere liye, kya khaas koi armaan hai,

yun to baatein karte hain woh sabse muskuraake,
mera dil kya..  dhardkane bhi unka meharbaan hai,

dil unko yaad karne ke banaata sau sau bahaane,
kya yaad mujhe bhi yun karta dil unka kadradaan hai,

awaaz mein meri sabhi ne paayi, khanak ek nayi si,
kyun nazar unki hi rahi ab tak isse anjaan hai,

iss dil ki dhaadkanon pe ab raha apna nahi kaabu,
kya us dil se bhi iss dil ki huyi aisi pehchaan hai,

ek baar karde woh aankhon se hi ishaara,
gar dil me unke bhi chhupa koi armaan hai