kaash aisa hota

kash aisa hota….
mera khawaab hakikat ban jaate,
aur waqt ka pahiya chalte chalte,
inn lammho me tham jaata,

kash aisa hota..
tumhare baahon ke ghere me,
meri tanhaaiyaan kho jaati,
tumhaari aankho ki gehraayi me,
meri puri kaayanat gumm ho jaati,

kash aisa hota….
tumhare aankho ke saare moti,
simmat aate mere hatheli me,
tumhare jeewan ke saare andhere,
ghul jaate mere saweron me,

kaash aisa hota…
tum hoti mere sath hamesha,
jaise sip aur moti,
suraj aur roshni,
maang aur sindur,
deepak aur joti,

kaash aisa hota