bas yun hi haste haste ek din chala jaaunga

bas yun hi haste haste chala jaaunga,
doston ab shayad main luatkar nahi aaunga.

par yeh bhi to ek sach baat hai,
jo mitthe pal bithe hain aap sab ke saath,
woh main kabhi nahi bhool paaunga.

par aaj main bhi yahan se khali haath nahi jaaunga,
main jaroor apni yaadon ki mehek yahi chord jaaunga,

jaanta hoon.. kayi dil tute hain meri nadaaniyon se,
par aaj jaate jaate main aap sab se maafi maangna chahunga.

aap ko jo bhi ho mujhse sikhwe gile ser aankhon par,
par main aaj aap sab ko dua dete jaaunga.

aaj hoon kuch doston ke dilon mein,
par ek din unki yaadon se bhi mit jaaunga.

aaj hoon thoda mashoor aap doston ki badolat,
par waqt ke chalte hi issi bheed mein kahin kho jaaunga.

bas yun hi haste haste chala jaaunga,
doston ab shayad main lautkar nahi aaunga.