apni gazlon se tera naam mitana aasan nahi

iss dil se teri yaad ko bhulana aasan nahi,
aur darde dil ko dil mein chupana bhi aasan nahi.

kahta hoon sabse koi naata nahi mera tumse,
aur apni gazlon se tera naam mitana bhi aasan nahi.

sochta hoon kyon chup hoon teri bekhabari par,
aur tumhi ko dil ka haal sunana bhi aasan nahi.

woh dard bankar meri aankhon mein rahti hai,
aur usse palkon se bahana bhi aasan nahi.

uski yaadein mere daaman mein nashtar chubhati hai,
aur duniya mein iss daulat ko lutana bhi aasan nahi.

apne dil se uske pyaar ko mitana mushkil hai magar,
aur uske dil mein apni mohabbat phir jagana aasan nahi.