bas ek yahi khwahish hai

waqt ruk jaaye uss pal jab sanam mere saath ho,
door tak ho chanda ki chandni,
aur haathon mein unke mera haath ho,
bas ek yahi khwahish hai...

jee bhar sanjaun ankhiyon mein sapne,
sanam jab kuch ho kareeb apne,
hawaon ka jhonka kuch khaas ho,
bas ek yahi khwahish hai...

na kuch kahein woh, na lab mere kuch bayan karein,
ho kabhi hum ho juda, aisa kabhi khuda na kare,
dil mein unke bhi mere jaise kuch jazbaat ho,
bas ek yahi khwahish hai...

raaj jee bhar kar unhein pyaar karega,
sab kuch unpar nisaar karega,
bas wahi mere har gham har khushi ka raazdaar ho,
bas ek yahi khwahish hai...!