ab sirf tum hi yaad aate ho

rimjhim is sawan mein,
barish ki sargam mein,
ye thandi aur mast hawaein,
dhara aur bundon ke sangam mein,
pagal man ko kyon tarsate ho,
ab sirf tum hi yaad aate ho..

inn mast sanson ki lay se,
tann mann aur hariday se,
mera rom-rom tujhe pukare,
apne prem ki say se,
chup ke aankhon se kya jatate ho,
ab sirf tum hi yaad aate ho..

mere dil pe mera hi adhikar naa raha,
hamare prem ke aage sansaar naa raha,
kya kahun apne hriday ki kamna,
tujhe chord ke khud se bhi pyar naa raha,
dil par dard ki chap ka anubhav dilate ho,
ab sirf tum hi yaad aate ho..