kisko maaloom tha din yeh bhi aayenge

kisko maaloom tha din yeh bhi aayenge,
unki ek jhalak ko nain taras jayenge,
haal yeh kaisa hai? saal yeh kaisa hai?
ek ek pal lamba, ek saal jaisa hai...

dil ka kya hai phir manaa lenge,
humein dard-e-dil ki kya dawaa denge?
mann machla hai yoon ki mushkil sambhalna hai,
phir unke aaghosh me khone ki tammana hai...

baahon me unki jab pure armaan humare honge,
aur bhi haseen tab saare yeh nazaare honge,
unpe dil-o-jaan lutaane ko jee chaahta hai,
paas unke aake na jaane ko jee chaahta hai...

jazbaat ubhar kar aakhon me na aane denge,
palkon pe kaapte hue sitaare na girne denge,
zaahir dabi mohabbat unpe ab karni nahin hai,
warna judaai seh na paayenge humein yakeen hai...