kuch dost bahut yaad aate hain

main yaadon ka kissa likhu to,
kuch dost bahut yaad aate hain,
maine gujare pal ko sochu to,
kuch dost bahut yaad aate hain,

ab jaane kaun si nagari me,
aabaad hai jaaker muddat se,
main der raat tak jaagu to,
kuch dost bahut yaad aate hain,

kuch baatein thi phoolon jaisi,
kuch lahaje khusbu jaisi,
main sehar me kabhi jo tahalu to,
kuch dost bahut yaad aate hain,

sabki zindagi badal gayi,
ek naye sere se dhal gayi,
kisi ko naukari se fursat nahi,
kisi ko doston ki jarurat nahi,
koi pardne me dubba hai,
kisi ki do do mehbubaa hai,
saare yaar gum ho gaye,
tu se tum aur aap ho gaye,
main gujare pal ko sochu to,
kuch dost bahut yaad aate hain,

dhire dhire umar kat jaati hai,
jeewan yaadon ki pustak ban jaati hai,
kabhi kisi ki yaad bahut tardpati hai,
aur kabhi yaadon ke sahare zindagi kat jaati hai…

shayad uss dil ki kasti ko naya manjhi mil gaya hoga

kabhi jis dil me naam hamara dhadakta tha,
jin aankhon me kabhi hamare hi sapne hote the,
jin hothon par har waqt hamara hi naam hota tha,
aaj wahi dil, wahi aankhe, wahi sab begane se lagte hain. .

shayad uss dil ki kasti ko naya manjhi mil gaya hoga,
apna kya, hamne to kinare se dosti kar li.

maine tere yaadon se mohabbat ki hai

tere labbon se mohabbat ki hai,
tere ehsaason se mohabbat ki hai,
tu mere pass nahi phir bhi,
maine tere yaadon se mohabbat ki hai..

kabhi tune bhi mujhe yaad kiya hoga,
maine unn lammhon se mohabbat ki hai,
jin me ho sirf teri aur meri baatein,
maine unn allfaazon se mohabbat ki hai..

jo mehakte hon tere mohabbat me,
maine unn jazzbaaton se mohabbat ki hai,
tujhse milna to ab ek khawaab sa lagta hai,
isleye maine tere intezaar se mohabbat ki hai..

sochte the mohobbat kar ke dekhein

sochte the mohobbat kar ke dekhein,

log kaise naakaam hote hain aur marr jaate hain,

kal sab khabar mili mujh ko,

meri naakaam mohabbat ne,

gaye roz dam tord diya.

tumhari yaadon me hamesa dubba rahta hoon main

har baat ki hakikat tujhko batata hoon main,
juban nahi magar sab kuch sunata hoon main,

mujhe kareeb se dekho agar khud ki talash hai,
main aaina hoon sabhi raz dikhata hoon main,

tord deta hoon main khud apne sapane teri khusiyaan dekh kar,
nahi kabhi kisi ka dil dukhata hoon main,

mujhe pyar se dekhoge to pyar nazar aayega,
dukh se dekhte ho to aanshoon bahata hoon main,

mujhe tord dete ho to bhi wafadaar rahta hoon,
sau tukdo me bikhar kar bhi sirf tujhse pyar karata hoon main,

gar naraaz ho gaye raaj ki baaton se to ye hak hai tumko,
magar tumhari yaadon me hamesa dubba rahta hoon main.

dekh main tujhse kitna pyar kerta hoon

tere laut aane ka intezaar kerta hoon,
dekh main tujhse kitna pyar kerta hoon,

main banata hoon kaagaz par teri tarveerein,
phir unhein se baatein hazaar kerta hoon,

tere dukhon ko bhi apne dilse laga ker,
apne dukhon me shumaar kerta hoon,

sach samajhta hoon jhoot bhi tera,
yoon main tera intezaar kerta hoon,

aaj bhi sochta hoon to meri aankhein bhieng jaati hain,
aaye jaane jaana main tujhse itna pyar kerta hoon...

kuch tere liye kuch mere liye

dil-e-naadan, dil-e-tamanna tere liye,
ye tanhaayi, ye dard bhari zindagi mere liye,

ye mohabbat, meri ye zindagani tere liye,
ye aanshoo, ye maut mere liye,

ye phoolon ki waadiyaan, ye khusnummasham tere liye,
ye sulagti huyi aag, ye sukha dariya mere liye,

ye duua, ye aarju tere liye,
baaki saare gham, maayushi mere liye,

dua hai khuda se, ye saari kaayanat tere liye,
ki tu bas mere aur sirf mere liye....