tera mujhko phir se rulana bahut hua

teri chahat mein jag bhulana bahut hua,
tera mujhko phir se rulana bahut hua,

waada aye wafa nibhate rahe chup chaap,
tera mujhe nigahon se girana bahut hua,

jalaa ke raakh kiya teri berukhi ne mujhe,
tera khumar-e-dil ko yoon jalana bahut hua,

dikh gaya nazron ko tera duhara chehara,
janaan abke tera yakeen dilana bahut hua,

gar yehi sazza hai tujhe pane ka mera,
tau bin afsos tera lut jana bahut hua,

tujhse mohabbat nahi, teri ebadat ki maine,
ab apne baare mein tujhse sunna bahut hua,

gairon pe karam, humpe sitam, uspe berukhi teri,
tera har baat pe mujhpe ungli uthana bahut hua,

cheen lo raj ki aankhon se saare khwaab,
teri yaadon mein har roz aanshu bahana bahut hua.