faasla unse mitaya na jaa saka

palkon pe aansoon ko sajaya na jaa saka,
us ko bhi dil ka haal bataya na jaa saka,
zakhmon se choor choor tha yeh dil mera,
ek zakham bhi us ko dikhaya na jaa saka,

jab teri yaad aayi to koshish ke ba wajood,
aankhon main aanshoon ko chupaya na jaa saka,
kuch log zindagi main aise bhi aaye hain,
jin ko kisi bhi lamhein bhulaya na jaa saka,

bas iss khayaal se kahin uss ko dukh na ho,
hum se to haal-e-ghum bhi sunaya na jaa saka,
woh muskuraye the magar,
chehare ka rang us se chupaya na jaa saka,
tanhaiyon ki aag mein hum jal gaye,
magar faasla unse mitaya na jaa saka.