ek pyaar ka dariya tha

chalta ja raha tha,
umr ki sunsaan andheri sadak per,
thak chuke the paun,
sukh raha tha kanth,
paseene mein lath path,
door kahi dikhayi diya jal.

bataya kisi ne….
pyaar ka dariya hai yeh,

pagal sa ho gaya main,
dubbna chaha usme,
chaha sheetalta uski,
pyaas thi bujhani man ki,
per keh utha main…

ek baar soch lo raj,
inn uunchi neechi leheron mein,
kab tak tair paoge?
kahin thak naa jana tum.

khud se kaha maine…
shayad raah mein kashti mil jaye,
ya koi ban jaaye sahara mera.

per phirse keh utha main..
agar naa mila koi,
ya tumhein sahara dene wala,
khud duub gaya to?
kya keroge tum?

fass gaya bhawar mein,
ya baard baha le gaya to..
kya keroge tum?

jal ke thande thapedde,
kaise sahoge akele,
takara ker kisi chataan se,
tuut gaye to kya keroge tum?

darr gaya ye sun ker main..
chal parda tay kerne baki kaa safar,
akela…
buss akela,
maan li man ki baat,
magar pyaasa hi laut aaya,
ek bhi ghunt naa piya,
uss pyaar ke dariya se.

kal agar mil jaaye tumhein koi pyaar ka dariya,
to meri tarah pyaase mat laut aana,
ek ghunt naa bhi pi paaye to,
apna anchal to bhigo aana..