kya kahu ab main

kya kahu ab main,
inn baarish ki boondo ko,
jo ki haath par pardte hi,
kisi ki yaad dila jaati hai..

halki si apni jhalak dikhate hi,
kisi aur ki jhalak paane ke liye,
buri tarah machalwa jaati hai…

kya kahu ab main,
inn baarish ki boondo ko,
jo ki saare samah ko,
ek pal mein hi pyar bhara,
dariya sa bana jaati hai…

kya kahu ab main,
inn baarish ki boondo ko,
jo ek hi pal mein,
tujhe mere dil dimaag mein,

iss kadar basa jaati hai,
ki mere mann ko bhi tujhse,
milne ke liye utawala kar jaati hai…

kya kahu ab main,
inn baarish ki boondo ko,
jo meeti par pardte hi,

aisi mehek bikher jaati hai,
jaisi ki mujhe tujhse mil kar,
apne aap mein se aati hai…

ab isse jada aur kya kahu main,
inn baarish ki bundo ko,
jo aate hi bahut pyara sa,
ehsaas dila jaati hai..

mere mann ko tere saath,
kahi door urda le jaati hai..
magar baad mein teri yaadon ke beech,
mere dil ko tardapta chord jaati hai…