kaise gujari woh raat na pucho

kaise gujari kayamat ke woh raat na pucho,
tha unka mere haathon mein haath na pucho,

chal rahi thi dhadhkan par ruki huyi thi saansein,
madhoshi mein huyi woh karamaat na pucho,

anjaane the woh, hum bhi the naadan se,
kaise huye jaahir dono k jazbaat na pucho,

chuu le unhein ya kare thoda intzaar,
bekhud se ho gaye humare khyalaat na pucho,

seene se lag kar pighlne lage the woh,
unki nigaahon ne kiye kya kya sawalat na pucho,

khuda ka reham tha ya tha mere ishq ka asar,
kis tarah huyi haasil ye saugaat na pucho,

kaise gujari kayamat ki woh raat na pucho,
tha unka mere haathon me haath na pucho.