laaunga kahan se judaai ka haunsla

laaunga kahan se judaai ka haunsla,
kyon iss kadar kareeb aa rahe ho tum?

apni hi dhadkanein begaani si lagne lagi,
kyon iss kadar kareeb aa rahe ho tum?

apni hi zindagi se door ja raha hoon pal pal,
kyon meri zindagi mein aise chale aa rahe ho tum?

naa kareeb hi aa paaun naa door hi jaa paaun,
kyon meri hi soch mein mujh ko uljha rahe ho tum?

na din mein karaar, na raaton ko chain,
kyon mujhko itna tardpa rahe ho tum?

hawa bhi guzre paas se to tumhara ehsaas lage,
bataao to jara kyon itna yaad aa rahe ho tum?

laaunga kahan se judaai ka haunsla,
kyon iss kadar yaad aa rahe ho tum???