ek saathi dhundhta hun

tanahiyon se bhare iss shehar mein,
ek saathi dhundhta hun,

be-dil jahaan mein,
ek dil dhundhta hun,

bewfaa zamane mein,
ek wafa dhundhta hun,

jaagte sheharon mein,
neend dhundhta hun,

apne annshuon mein,
tumhari khushi dundhta hun.

dekhe tumhein ek zamana hua

dekhe tumhein ek zamana hua,
kaisi ho tum yeh puche zamana hua,

kya yaad aata hun main tumhein,
yeh puche ek zamana hua,

sune teri hassi ek zaman hua,

khayalo mein meri basne wali,
tujh ko apna kahe ek zamana hua,

naa pattaya gaya mujhse apna dukh,
hasse huye mujhe ek zamana hua,

roti aankho mein ab ek hai sunapan,
aashk bahaye mujhe ek zamana hua,

khali baahein, sard saase liye baitha hun,
teri garmi ka ehsas huye zamana hua,

kisi ko kya kahun
mujhe khud se mile ek zamana hua.

dua karo woh din ho jaaye aaj

naaraz hun zindagi se,
naaraz hun aaj main khud se,

kyon nahi samjhta main ek choti si baat,
kyon har waqt karta hun ussi ki baat,

nahi mil saka jis ki thi mujhe talash,
kyon rehta hun har dum uski yaad main udaas,

kehta hun khud se bhool jaaunga ek din,
kab aayega.. koyi to batao woh din,

kab aaygi hassi wapis mere hoton pe,
kab dekhunga main koi sapna khushnuma sa,
nahi jeeya jata mujhse ab yun tannha.. udaas,

agar nahi aana hai woh din,

to yaaron sab dua karo,
maut jo aani hi hai ek din, 

woh din ho jaaye aaj...!!

ek sapna dekha tha jo toot gaya

ek sapna dekha tha jo toot gaya,
hatha unka mere haathon se choot gaya,
socha tha saath rahenge,

saath jeeyenge, saath marenge,

na jane kyun mera sajjan mujhse rooth gaya,
ek sapna dekha tha jo toot gaya,

kayamat ki thi woh raat,
jab woh chord kar chali gayi mera saath,

maine kaha...
galti huyi hai to kar do mujhe maaf,
yun na jaao chord kar mera saath,

usse mera sacha pyar na aaya raas,
mere sapne ko kar gayi woh raakh,

uss din mera rabb mujhse rooth gaya,
ek sapna dekha tha jo toot gaya,

toote sapne ko lekar,
gaye hum bhagwan ke paas,
jeene ki chord di thi humne aas,

pucha humne bhagwan se,
kya yahi hai tumhara insaaf,

dekho mera yaar mujhse rooth gaya,
ek sapna dekha tha jo toot gaya...!!

woh raat humein yaad hai aab tak

bahot kaali thi woh raat humein yaad hai aab tak,
gujar chuki woh par aab tak meri zindagi pe chayi hai,

alag ho gaye humare unse rashte us raat kuch aise,
jaise dono ki manzil hi ek doosre se parayi hai,

ek sunapan sa rehe gaya aab mere dil me ek dard teher gaya,
dekho kismat ne meri zindagi pe apni mohar lagayi hai,

ek mamuli si raat thi woh to,

par mera sab kuch lut kar le gayi,
mili us raat se mujhe umar bhar ki tanhai hai,

aab tak gabrate hain hum raaton se is kadar,
ke har raat aab mere ankhon mein ek nami si layi hai.

aur kuch nahi

bus teri meri yaadien reh jayeingi aur kuch nahi,
bus teri meri baatein reh jayeingi aur kuch nahi ,

bus teri meri raatein reh jayeingi aur kuch nahi,
bus teri meri tanhaiyan reh jayeingi aur kuch nahi,

bus teri meri kahaniyan reh jaeingi aur kuch nahi,
bus ek din mein akele reh jaunga aur kuch nahi.

na jaane kaha mujhe yeh le jayegi

awara hain yeh rahein,
kaha mujhe yeh le jayegi,

sath degi mera kuch pal ke liye,
agle hi pal door mujhse ho jayegi,

phir na jane kaun si gali,
mein phir se mujhe mil jaayegi,

har manzar nayi rahon mein,
naye sapne, naye yaadein banayegi,

kaun rah dhoondho main jo,
har kadam mere sath chale,

aaj mere sath dikhti hai,
kal na jane kiske agosh me kho jaayegi,

har pal yeh kisi ki yaadon
mein shamil dikhti hai,

har ek naye mord par humein
yeh rahein nayi si lagti hai.