na imtihan lo yun mera

lagta hai mano kahin nahi gaye ho tum,
paas mere baithe ho yahin kahin,
bas satane ke liye mujhko,
tum chup gaye ho kahin,

na imtihan lo yun mera,
ki chand saanse hi bachi hain meri,
kahin aisa na ho ki tum chupe raho
aur zindagi khatam ho jaaye meri,

bahut rowoge, pachtaoge,
jab sang mujhe na paoge,
sochoge yeh kya kiya tumne,
par dhoond mujhe na paoge,

sach kaha hai kisi ne yeh kabhi,
koi ho pas tumhare to 

uski kadar tumhe hoti nahi,
kahin chala jaaye woh tumse door,

to usko pane ki chahat kabhi kam hoti nahi.