pata na tha tanhai ka aalam aise aayega

raahon mein aaj akele na hote,
agar mulakaat na hoti aapse.
kya bataye aapko tanhai ka dard,
hum to nafrat karne lage apne aapse.

socha tha hawaon ka kaam hai rukh badalna,
pata na tha insaan bhi badal jaate hain.
achanak khushiyon ki duniya mein
gum ke baadal chaa jaate hain.

wada tha roshni ki tarah hamesha saath rehne ka,
pata na tha tanhai ka aalam aise aayega.
woh nayi subah laaye the zindagi mein,
pata na tha itni jaldi din dhal jayega.