shayad ek jhalak dikhlaane wo phir aaynge

dil ko kya khabar thi ki wo iss kadar apne ho jaaynge,
aa kar dil ke kareeb phir duniya ki bheed mein kho jaaynge,

na socha tha kabhi ki humse judaa ho kar,
wo humein itne yaad aaynge,

tut kar bikharna likha hai shayad kismat mein,
na niklegi dil se aah aur hum bikhar jaaynge,

aankhein khuli rahengi marne ke baad bhi meri,
shayad ek jhalak dikhlaane wo phir aaynge..

bedard duniya hai ya bedard zindagi

humne to chaha tha hasana sab ko,
kaun jane chahati kya hai yeh zindagi,

hume har waqt dard de jati hai,
kaun jane chahati kya hai yeh zindagi,

hame rula kar chal deti hai,
kaun jane chahati kya hai yeh zindagi,

be dard duniya hai,
ya be dard zindagi hai,
kaun jane chahati kya hai yeh zindagi,

ab yehi chah hai,
hasana sab ko hai,
par kaun jane chahati kya hai yeh zindagi,

rona hai,
par na ro paye hai,
kaun jane chahati kya hai yeh zindagi,

hasna hai,
par na hass paye hai,
kaun jane chahati kya hai yeh zindagi.

ek pal laga tu wahin mere paas thi

jaise jaise tum har ek kadam bardhaate jaa rahe the,
meri nazron se aur bhi door hote jaa rahe the,
dil to kar raha tha bahut, 

rok loon main tumhein,
wo lammhe kuch jada hi jaldi guzarte ja rahe the,

na jaane phir kabhi mulakaat ho na ho,
kuch aise khayalaat mujhe daraa rahe the,
jitna bhi waqt guzaara hai maine saath tumhare,
reh reh ke sab aankhon me lehraa rahe the,

wo tumhari muskaan,
wo har adaa yaad aa rahi thi,
wo saari yaadein mujhe bahut rula rahi thi,

aankhein to tumhari bhi jaate waqt namm thi,
judaai ka ehsaas jhuki palkein kara rahi thi,
na tum alvida keh sake jaate waqt na main,
zubaan pehli baar ladkhadaa rahi thi,

tumhare saath bitaaye in kuch palon me,
maine to apna ye poora zindagi jee liya tha,
samet ke rakha hai har wo lamha kuch aise,
sabse bardi khushi jaise zindagi ki mili ho,

aaj main har us jagah gaya, jahan jahan hum mile,
khushbu bhare mohabbat ke phool wahan the khile,
hawaaon me wahan ki kuch aisi mehak thi,
ek pal ko laga, tu wahin mere paas thi,
ghuli huyi hai hawaaon me tumhari hi khushboo,
simat jaati hai jisme meri zindagi ki har arzoo,

do pal ko aankhein band kara maine to dekha,
muskurate huye tum mujhe hi dekh rahi ho,
aisa ye jaadu tum kar gayi ho mujh pe,
yahan ki fizaaon me tum ab tak mehak rahi ho,

kaash main tumhein hamesha ke liye apne paas rok sakta,
kaash ye nigaahein har waqt tumhe hi nihaar saktein,
kaash in haathon mein har waqt tumhara hi haath hota,
har lamha mere paas tumhare saath hota,

tumhari hi baahon me basti hai meri ye zindagi,
tumpe to poora yakeen hai, par zindagi pe nahi,
na main tumhare bina kuch hoon, na tum mere bina,
kyon pyaar ko nahi samajhti hain ye majbooriyan,

jo pyaar bhari “yaadein” tum de gaye ho mujhe,
ab inke sahaare hi meri yeh zindagi hai,
tumse har khushi,
tumse ab ye zindagi hai,
bas tumhare liye hi jeeta ab yeh “raaj” hai.

mujhe maaf ker dena

agar main hadd se gujar jaau, to mujhe maaf ker dena,
tere dil mein utar jaau, to mujhe maaf ker dena.

yuhi gusse mein aksar,
daat dena to aadat hai hamari,
daat ke tumhein main apni,
baahon mein bhar loon to mujhe maaf ker dena.

raaste mein tujhe dekh tere deedar khatir,
pal bhar jo thehar jau to mujhe maaf ker dena,

apne jazbaat se likha ye kuch panktiyan,
tere naam ker jaau to mujhe maaf ker dena,

teri pal bhar ki judai mujhe jeene nahi deti,
tere bin mar jaau to mujhe maaf ker dena.

bas hum tum hain

raat ke andheron mein,
khamoshi ke pehron mein,
us nadi ke kinare bas hum tum hain.

hathon mein tumhare hath hai mera,
nazron se nazrein mili hain,
us nadi ke kinare bas hum tum hain.

karni hai lakhon batein aaj,
par shabd nahi hai hamare pas,
us nadi ke kinare bas hum tum hain.

pasine ki kuch boonde tumhare mathe par aayi hai,
kuch kehna hai shayd par jan ghabrayi hai,
us nadi ke kinare bas hum tum hain.

thami hai dil ki dharkane,
sama hai suhana,
us nadi ke kinare bas hum tum hain.

lelo mujhe bahon mein apni,
keh do ki mujhse pyar hai,
us nadi ke kinare bas hum tum hain.

kyon aaj bhi ek aas hai dil mein

aaj bhi main usse bhula nahi paya hoon,
dil ke zakham mita nahi paaya hoon,

aaj bhi pyar ke naam pe wahi yaad aati hai,
jise bhool jana dil yeh chahta hai.

har waqt wahi kyon yaad aati hai,
pyar ke sapne saare toot chuke hain,
umeedein jeevan ki rooth chuki hain,
phir kis liye jee raha hoon main.

sach kahun to maut se battar zindgi hai yeh,
kyon yeh jeevan ruk kar bhi nahi rukta,
kyon ye saansein tham ke bhi nahi thamtin,

kyon aaj bhi ek aas hai dil mein,
jiska kabhi koi wajood hi nahin,
kyon aaj bhi hai woh silsila.

bas ek sawal hai..

wo bhi ek waqt tha jab,
deewano jaisa mera haalat ho gaya tha,
jab kisi ki mohabbat mein,
main poori tarah se kho gaya tha.

na din ke guzarne ka pata rehta tha,
na raat ki aahat rehti thi,
teri ek jhalak paane ke liye,
din bhar betaab sa main rehta tha.

jaan liya hai ab maine mohabbat ko,
har jafaon se waakif ho gaya,
aisa bhi dard hai jise jeene me,
khushi milti hai ye jaan gaya.

jo pal jiye hain tardap-tardap ke,
teri mohabbat ke liye maine,
iss janam to bhula na sakunga,
gam jitne bhi zindagi ne diye.

bahut koshisoon ke baad bhi,
aaj bhi yaad karta hai dil tumhein,
sambhalta hoon itna isko,
baawra ho jaata hai dekhte hi tumhein,

kya haal bana diya hai tumne mera,
kaisi zindagi ban chuki hai,
jo mil nahi sakta,
pal pal ussi ki tamanna kyon karta hai yeh,

sachi mohabbat pe yakeen kiya tha,
har wafa ko anjaam diya tha,
jo ek sacha hamsafar karta hai,
woh sab tere pyar me kiya tha,
dil sab kuch bhula dene ko yun to taiyaar hai, 

bas ek sawal hai..
kami kahan thi is mohabbat me,
iske jawab ka mujhe intezaar hai,

main maangta hoon iska jawab,
bhagwan se, iss poore jahaan se,
par har koi khamosh rehta hai,
ab sab bhula doon main kaise,

kaise zindagi ke wo pal bhula doon,
jo sirf tumhare naam the,
kitne ashk barson bahaaye the,
sab iss mohabbat ka anjaam the.

kehte hain log bhula ke sab kuch,
hass ke zindagi ka swaagat karo,
kya itna asaan hai kisi ke liye,
apne astitva ko mitaa paana.

jab dil uske liye dhadakta hai to,
kaise kahin aur lag sakta hai,
kaise inn askhon ko chupaaye,
koi kisi se nazar mila sakta hai,

be-rang zindagi hai,
kab tak rangon ki chaadar main odhe rahoon,
bas tumhari kami hai jo sabse bardi hai,
kaise sabko samjhaaun.

mere kuch sawaalon ka jawab de do,
to mukt ho jaaun main bhi isse,
aur jee sakun phir apni zindagi,
nibha sakun poori wafa khud se.