mat poooch ki kya haal hai mera tere aage

main uska hun woh iss ehsaas se inkaar karti hai,
bhari mehfil mein bhi ruswaa har baar karti hai,

yaki hai saari duniya ko, khafa hai humse woh lekin,
mujhe maaloom hai phir bhi mujhi se pyaar karti hai,

main jab bhi tez chalta hoon, nazaare chut jaate hain,
koi jab roop gardta hoon to saanche toot jaate hain,

main roota hoon to aakar log kandha thap thapate hain,
main hassta hoon to mujhse log aksar rooth jaate hain,

mat poooch ki kya haal hai mera tere aage,
tu dekh le kya rang hain tera mere aage,

sazi hai khushnuma mehfil, sabhi dildaar baithe hain,
jidhar dekho udhar hi ishq ke bimaar baithe hain,

hanseeno ki adaon pe sabhi dil haar baithe hain,
hazaron mar-mitte aur sekdon taiyaar baithe hain.

hum pagal tumhara intezaar kiye jaa rahe hain

har baar tumne dil dukhaya hamara,
hum pagal phir bhi pyar kiye ja rahe hain.

har baar tumne mazaak urdaya hamara,
ghayal dil liye hum pyar kiye ja rahe hain.

bohat khushnaseeb honge woh jinhe pyar milega tumhara,
khud ko badnaseeb samajh kar pyar kiye ja rahe hain.

man mein tumko paane ki khwahish liye jaa rahe hain,
hum pagal premi tumhara intezaar kiye jaa rahe hain. 

maanav jeevan

maanav jeevan.. kya tera hai yahi arth,
sab kuch sehna.. ant mein ho jaata hai vyarth.

jiski khaatir har dukh jhelaa haste haste,
usne har ek rista torda antim path mein.

us jeevan ko bojh samjh ke kyun fenka hai,
jis jeevan ne usse banaya hai samarath.

antim path mein saaya bhi to saath nahi hai,
jeete to hai par jeene mein koi baat nahi hai.

humne jab koi bhed kiya na tere jeevan se,
tujhe paane mein kabhi rakhi na koi shart.

hum yeh jeevan dhote hain rokar ki ab yun,
sochte hain,  jeete hain aakhir ab hum kyun,

kaise bhule unhein jise khoon se seecha hai
usne hi iss antim path ka kiya anarath. 

door na hona kabhi tum mujhse

ho zindagi pe hamari karam tumhara,
zindagi hamari sawar jayegi,
band aankhon se jab dekhun koi sapna suhana,
mujhe teri surat nazar aayegi.

chahat jo ab tumse mujhe hai,
woh khuda tumhein banayegi,
dede jo tum saath mera humsafar banke,
udaasi meri mujhse rooth jayegi.

door na hona kabhi tum mujhse zindagi mein,
palkein aanshuon se bheeg jayengi,
bus yeh hi aarzoo hai is dil-e nadaan ki,
jo ho tu samne toh maut bhi muskura ke gale lagayegi.

isse pyaar kahoon ya kuch aur

hai agar dard mere geeton mein,
hai agar aanshun mere aankhon mein,
isse pyaar kahoon ya kuch aur?

hai agar lahoo mere shabdon mein,
hai agar tu mere khuwabon mein,
hai agar teri tasveer deewaron mein,isse pyaar kahoon ya kuch aur?

hai agar tu mere har sawalon mein,
hai agar tu abhi mere yaadon mein,
hai agar tu mere faryaadon mein,
hai agar tu abhi mere waadon mein,

isse pyaar kahoon ya kuch aur?

hai agar tu meri aankhon mein,
hai agar tu meri baahon mein,
hai agar tu meri dhadkhanon mein,

isse pyaar kahoon ya kuch aur?

hai agar tu meri subhon mein,
hai agar tu meri shaamon mein,
hai agar tu meri raaton mein,

isse pyaar kahoon ya kuch aur?

hai agar tera naam mere labon mein,
hai agar tera chehra meri aankhon mein,
hai agar tera zikra meri kavitaon mein,

isse pyaar kahoon ya kuch aur? 

ek ladka aur deewana ho gaya

naa poocho ki subhah thi ki din tha ki raat thi,
har gali har mord har chaurahe par yeh baat thi.
arre suno suno suno afsaana ho gaya,
ek ladka aur deewana ho gaya...!


log ek dusre ko suna rahe the,
suna suna kar tahake laga rahe the.
ki jabse dekha hai usne us ladki ko,
kho betha hai apni neend aur chain,
rehta hai har pal woh bechain.
naa lagti hai use bhookh, naa lagti hai pyaas,
har samay rehta hai bas usse bas usse milne ki aas.

sabne kaha yeh kissa to puraana ho gaya,
ek ladka aur deewana ho gaya...!


sabne samjhaya usse, jaa kar le usse baat,
tabhi katega din aur tabhi kategi raat.
bitaa uske saath ek hansen shaam,
tabhi milega tere bechain dil ko aaraam.
usne bhi suna diya jaa kar haal-e-dil,
ladki bhi thi naadan foran gayi pighal.

sabne kaha yeh to ishq ka bahana ho gaya,
ek ladka aur deewana ho gaya...!


milta tha ab usse woh har din,
kehta tha jee nahin paaonga ab tere bin.
ladke ke paas bas yehi kaam tha,
aankho mein ussi ki soorat hothon pe ussi ka naam tha.
dekthe hi dekhte bitne waala saal tha,
ladke ka pyaar mein bura haal tha.

sabne kaha yeh to shama kaa parwanna ho gaya,
ek ladka aur deewana ho gaya...!


kab tak chipate woh apna pyaar zamane se,
ek din pata chal hi gaya ladki ke ghar walo ko kisi bahane se.
bas phir kya.. jo nahin hona tha ho gaya,
roz roz ka chip chip ke milna band ho gaya.
ladki ke ghar mein shaadi ki baat hone lagi,
pyaar ke ujaale mein din se raat hone lagi.

pyaar ka dushman phir ek baar zamana ho gaya,
ek ladka aur deewana ho gaya...!


ladka bola "chal bhaag kar, kar le shaadi,
ladki boli "mujhe nahin chahiye aisi barbaadi.
ladka bola "pyaar hai phir kyon yeh doori hai,
ladki boli "samjha karo jaan meri majboori hai.
marta kya naa karta.. maan gaya uski baat,
ab to pehle se bhi bure the uske haalaat.

accha uska dil ka lagaana ho gaya,
ek ladka aur deewana ho gaya...!

aaj kal rehta hai woh apne mein hi gum,
woh kya karega khud usse hi nahin maaloom.
milta hai to pareshhan hota hai,
naa mile to bechain rehta hai.
maaangta hai usse bhagwaan se har pal,
umeed rakhta hai bitayega uske saath aane waala kal.

isse bhi ishq kaa najraana ho gaya,
ek ladka aur deewana ho gaya....!!

tu nahi to kuch bhi nahi

ankhon mein hai surat teri,
dhardkno mein basi hai tu,
zindagi mein hai nasha tera,
tere bina to main udas hoon. 

tu hai to baharein hain,
tu nahi to patjhard hai,
tu hai to sawan hai,
tu nahi to sab jageh aakal hai.

tu hai to sangeet hai,
tu hai to zindgi hai,
tu hai to main bhi hoon,

tu nahi to kuch bhi nahi, 

kuch bhi nahi hai.