jisse hum papa kehte hain

har ghar mein hota hai woh insaan,
jisse hum papa kehte hain.

sabhi ki khushiyon ka dhyaan rakhte,
har kisi ki ichha puri kerte,
khud gareeb aur bachhon ko ameer banate,
jisse hum papa kehte hain.

badon ki sewa, bhai-behan se lagaao,
patni ko pyaar, bachhon ko dulaar,
kholte sabhi khawaishon ka dwaar,
jisse hum papa kehte hain.

beti ki shaadi, beton ko makaan,
bahuoon ki khushiyaan, damadon ka maan,
kuch aise hi safar mein gujaare woh har shaam,
jisse hum papa kehte hain.