kaash tum mujhse door naa jaate

kaash tum mujhse door naa jaate,
ek baar sahi par paas to aate,
khil jate bagiya mein gul shayad
ek baar to humein tum aazmate.

milti nazare to fasane ban jaate
kaash kabhi yun pyaar jataate,
kitna mushkil hai tannha jeena,
mujhse milke yeh jaan hi jaate.

kitna tardpe hain chaahat mein teri,
gali-gali log yeh kahani dohraate,
mein aaj hoon kal fanaa ho jaunga,
kaash tum yeh baat samjh paate.

ek baar gaya to phir naa aaunga,
kaash mera pyar pehchan paate,
maut se pehle hi marr chuka hoon,
kaash mere hone ka ehsaas dilate.