kaha socha tha ki phir ajnaabi ho jaayenge

jo guzare hain lamhein, unhi ko yaad karu,
kaho kaise hum yun, ek bhi pal bhulayenge,

kal mile bhi agar, hogi na koi ranjish humko,
phir bhi guzare lamhein, aankhon mein jhilmilayenge,

ek rishta, ek mohabbat, teri chahat ki kasham,
band nazro mein bhi, chehara tera hi paayenge,

ro raha hoon ess haseen chaandni mein,
bhor hone tak yun hi, aapna dil jalaayenge,

tujhe puja tha, shayad tha yahi kusoor apna,
bewaafai ka bhi hum ilzaam liye jaayenge,

kaun kehta hai ki humko, hai koi hosh nahi,
hosh waalein kaha yeh, baat samajh paayenge,

mile the, hum bhi kabhi ajnaabi bankar,
kaha socha tha ki phir, ajnaabi ho jaayenge