bhool kar bhi tujhe bhula naa sake

bhool kar bhi tujhe bhula naa sake,
aur baar baar yaad kar ke bhi,
tujhe yaad aa naa sake.

aisi ki thi kuch paane ki chah humne,
ki phir aur fariyaad ke haath utha naa sake,

num huyi meri aankhein kuch iss tarha tere sitam se,
beet gayi umar saari, hum muskura naa sake,

waise to tune apna banakar chord diya tha,
chah kar bhi hum tujhe thukra naa sake,

kehna to bahut kuch tha us din bhi mujhe,
the haalaat aise ki hum lab hila naa sake,

dhardka tha dil mera, roya tha ruh bhi bahut,
par kaise the beymaan yeh aanshu,
tujhe mere pyaar ka yakeen tak dila naa sake.

bhool kar bhi tujhe bhula naa sake,
jaise yaad kar kar ke bhi tujhe yaad aa naa sake.