kaise kahoon aap bin ab raha nahi jaata

kaise kahoon ki aap bin ab nahi raha jaata,
yeh dil mein ek ehsaas hai zabaan se nahi kaha jaata,

yaadein aapki har pal sataati hain, na peecha chorde mera,
kya kahoon humse, ab yeh intezaar nahi saha jaata,

aapke pyar ne hai mujhe to ekdum se pagal kar dala,
bas aapko yaad karta hoon, aur kuch nahi kiya jaata,

mohobbat mein aapki doob gaye hain iss kadar hum,
ab aapke pyar ke siway aur koi jaam nahi piya jaata,

iss kadar moher laga di hai mere tan aur mann pe aapne,
ab kisi aur ka naam zabaan se nahi liya jaata.