maine ishq kerna sikh liya

dil se dil ka lagana sikh liya,
ab maine muskurana sikh liya,
gungunaye jise hum umar bhar,
labon ne wo tarana sikh liya,

shehar-e-wafa hai tera thikaana,
mil kar tujhse yaarana sikh liya,
chupa kar tumhe aankhon mein,
in nazaron ne sharmana sikh liya,

aaye ho jab se meri zindagi mein,
mukkadar ko aazmana sikh liya,
bas jaaye jo teri dhadkanon mein,
wo andaaz shayarana sikh liya,

sach kahte hai yeh zamane wale,
maine ishq kerna sikh liya.