humari jaan banke ab woh humara garoor banne ja rahe hain

mohabat mein kya batayein,

kya pa gaye kya kho gaye hain,
hum unse jeet ke bhi dil apna,

unse kahin haar gaye hain,

woh dil se door rah ke bhi,

sabse kareeb humare ho gaye hain,
begaane hoke bhi woh

iss dil-e-nadaan ke khuda ho gaye hain,

ishq mein zor chalta nahi,

dil deewana ban jata hai,
saaya banke apna

har pal koi saath chalne lagta hai,

kya kisi se shikwa karein

jab dil hi apna haar gaye hain,
nazrein teer se woh humein 

ghayal apna bana rahe hain,

aaj humein mohabbat ka

zaher deke woh muskura rahe hain,
pal pal woh pass aake

humein sabse door kiye ja rahe hain,

kya mohabat ki hadd hoti hai

woh humpe aazmaa rahe hain,
aaj jhuki nazron se hum

apni chahat ka izhaar kar rahe hain,

ek unki yaad mein hi bas

hum khud ko bhoole jaa rahe hain,
unse waffa ka hum har waada

nibhaye chale ja rahe hain,

ek unki aawaaz pe hum

jaane kis raste chale ja rahe hai,
humari jaan banke ab woh

humara garoor banne ja rahe hain.