apne liye hi jo jiye to kya jiye ho tum

yun to kat hi jaati hai yaaron, rote hue bhi zindagi,
lagegi haseen magar, tum zarra sa muskura kar dekho,

miloge jab bhi mehfil mein, sada khush paoge humko,
gham dekhne ho to humare, tanhai mein aakar dekho,

raah-e-mohabbat mere yaaron, khel nahi koi baccho ka,
jaan jaoge tum khud hi, dil to laga kar dekho.

gar pyaar karoge pyaar milega, yaad rakhna tum itna,
milega gulshan badle mein, ek phool kilakar dekho.

apne liye hi jo jiye to kya jiye ho tum,
auron ke jeewan mein to zarra, tum deep jala kar dekho!

main aur mere kagaz ke panne

main aur mere kagaz ke panne,
yehi to hai jo dete hain saath,

yehi to hai jinse kuch ajeeb hi rishta hai humara,
humaare dil ki gehraiyon ka ek yahi to hai sahara,

in paar hi to hum apne dil ki baatein,
apni shaayri uttarte hain,
inhi se to hum gham se lekar khushi dono hi baatte hain.

kabhi jo tum fursat paao

zindagi ke jadho-jahad se kabhi jo fursat paao,
jab tere dukh, teri kosish tujhe veeran kar de,

sabar ka sabab tere dil ko bhi challi kar de,
jab lage koi nahi tujh se mohabbat kerta,

to mere paas...

phir se paas mere laut aana.

dil apna patthar bana liya

teri yaad mein aanshun ka samandar bana liya,
tanhai ke sehar mein apna ghar bana liya,

suna hai log pujte hain patthar ko,
issliye dekh.. dil apna patthar bana liya.

kaun kehta hai ki pyaar kabhi poora hota hai

zindgani mein jab kisi ko pyaar hota hai,
lab pe khamoshi aur seene mein toofaan hota hai,

nazrein milte hi ek ankaha ikraar hota hai,
har pal milne ko dil bas bekarar hota hai,

lagte hi zamane ko khabar, yeh pyaar nilaam hota hai,
mohabbat karne walon ka bas yahi anjaam hota hai,

waqt ke saath yeh zakham aur bhi gehra hota hai,
dil mein yaar ki judai ka bas dard bhara hota hai,

kaun kehta hai ki pyaar kabhi poora hota hai?
theek se dekho.. sacha pyaar hamesa adhura hota hai. 

I believe in myself

I believe in my dreams,

I will never loose hope,

I believe in my ambition,
so with competition I can cope.

I believe in my talents
and will make the best of it,
I believe in my future
for which I will work bit by bit.

I believe in my abilities,

I will make my own name,

I believe I can do it
so I can win life’s game.

I believe in my strengths,

I want to lead the throng,

I believe in almighty God
who keeps us from wrong.

I believe in my vision,

I trust my instincts,

I believe in reality,
so my fate never gets jinxed.

I believe in myself
though the world may not,
now anything is possible
because I believe it is..

aakhri paigaam

ek chote se kaghaz mein ek ladki ke naam ek bayan tha,
woh bayan us ladke ka tha jo pehle kabhi uski jaan tha.

par afsos.. juda huyi unki mohabbat khatam hone se pehle,
aur akele jana tha safar par jiska raasta bilkul veeraan tha.

aaj barso baad mile apne mehbub ki iss chitthi dekh,
dil us masoom si ladki ka yaaron bahut pareshan tha.

sochne lagi khusi khusi to hum juda hue apno ki khaatir,
aur kabhi na karege baat yeh hum do dilo ka karaar tha.

jab pardhne lagi woh chitthi to ladki kuch samaj na payi,
kyuki likha tha,  jo sath gujra woh pal kitna khusgawar tha.

sochne lagi phir aaj yeh mohabbat ki baatein kyu,
kyuki dard pehle hi uske dil mein basa besumaar tha.

pardhte pardhte woh chitthi ko khatam hi kar rahi thi,
ki annt mein us kaghaz ke ek chota sa elaan tha,

pardh ke us elaan ko woh ladki rote-rote wahi gir padi,
woh aakhri elaan yeh tha.. jisne kar diya usko bejaan tha.

ki main dost hoon tumhare mehbub ka, 
woh ab iss duniya mein nahi,
tumhare liye tumhare mehbub ka..
yeh aakhri paigaam tha!