aisa kabi na karna

tum rooth jao mujh se,
aisa kabi na karna,
main ek nazar ko tarsoon,
aisa kabi na karna....

main puch puch haarun,
so so sawal karon,
tum kuch jawab na do,
aisa kabi na karna.....

mujh se hi mil ke hansna,.
mujh se hi mil ke rona,
mujh se bichaar kar jee lo,
aisa kabi na karna,

tum chand ban kar rehna,
hum dehkte raheinge tumko,
tum kisi roz na niklo,
aisa kabi na karna,

tum chale jaaoge to,
dehkenge tumhara raashta,
tum loat kar na aaoo,
aisa kabi na karna…...

unhe khud pe guroor ho gaya

wo bhi ek zamana tha,
jab unka dil mere liye deewana tha,
meri kismat me likhi thi judaai usse,
uska ruth jana to ek bahana tha..!!

usne mujhe aazmaya bahot hai,
ja ja kar maine manaya bahot hai,
jisne mujhe rulaya bahot hai,
be-wafaai to unka dastur ho gaya,
unki muhabbat me ye dil choor - choor ho gaya!

sach pucho to kasoor unka nahi mera tha,
humne unhein chaha hi itna ki,
unhe khud pe guroor ho gaya...!!

kerta hoon deewaron se baatein apne dil ki

keh sakta hoon main,
deewaron se baatein apne dil ki,
sun sake baat dilki mere,
deewar itni bardi to ho,

na waqt yahaan jeene ka,
na fursat hai marne ki,
deewaron pe hakk jataane ki,
koi ek ghardi to ho..

yeh bhi sach hai yeh rishta ab chal nahi sakta

jab ki thi mohabbat to batlaya tha sabne,
sambhal kar khelna log haar jaate hain,

par mera kabhi na ittefaak tha is baat se,
socha jo dil se khelte hain woh jeet jaate hain.

magar ek khwaab reh gaya hai aaj barson ke baad,
ki chain aur sukoon ab haasil nahi hota,

usse nahi pasand hai meri koi bhi baat,
kehti hai kaash main uski zindagi main shaamil nahi hota.

har ek baat par lardte hain hum aur
phir woh rote huye so jaati hai.

tab main kosta hoon khud ko
aur raatein usse dekh kar gujar jaati hai,

main wafa karta hoon usse yakeen nahi is baat ka,
zindagi ab aise ek mord par nazar aati hai,

ki hain raaste bahut jahan magar
woh sadak nahi jo manzil ko jaati hai.

meri yeh takleef hai ki main uske bin reh nahi sakta,
magar yeh bhi sach hai yeh rishta ab chal nahi sakta,

phir bhi log kehte hai yeh kyun
ki woh mere bin main usse alag reh nahi sakta. 

aye waqt tu laut chal kuch piche

aye waqt tu laut chal kuch piche,
kuch pal unke saath aur jeene de,

karni hai mujhe abhi kayi baatein,
unke haathon mein apna naam to likhne de,
aye waqt tu laut chal kuch piche
kuch pal unke saath aur jeene de…

dil mein hain uthte tufaan kayi,
unki baahon mein mujhe kuch pal rehne de,
aye waqt tu laut chal kuch piche,
kuch pal unke saath aur jeene de…

ek muddat se soya nahi hoon mein,
unke kaandhe par sar rakh kar sone de,
aye waqt tu laut chal kuch piche,
kuch pal unke saath aur jeene de…

inn aankhon mein hain kuch nami si ab,
kuch khwabon ko to pura hone de,
aye waqt tu laut chal kuch piche,
kuch pal unke saath aur jeene de…

hai kayi lamhein abhi adhure jo pure hamein karne hain,
jo vaade kiye the saath unhein to pura karne de,
aye waqt tu laut chal kuch piche,
kuch pal unke saath aur jeene de…

kaash hum tumse yeh keh paate

tumhare dil ki tum hi jaano,
kaash hum apne dil ki keh paate,
sada hamare dil mein rahna,
kaash hum tumse yeh keh paate,

dastak dete dil per tumhare,
es se pehle chal doge,

jab tak pahunchi ye khabar humhein,
tum door desh mein jaa baithe,

jo khabar hume yeh pahle hoti,
hum raah rok kar kah dete,

pehna kar apni khushiyon ka haar,
tumhein vida hum kar dete,

khalti hai bas ek baat yahi,
gar kehni na thi apne dil ki,
ruk jaate ghardi do ghardi,
aur hamare dil ki sun lete,

bin baadal barsat ki yun,
barsati hain yeh aankhe jab,
uthti hai ek kasak si dil mein,
kaash tum yeh samajh paate.

kaise hua main barbaad ye kahani sunata hoon

kuchh waqt purani tumhe baat btata hun,
kaise hua main barbaad ye kahani sunata hoon,

hum bhi the aam insano ki tarah apni zindagi ko khul ke jee rahe the,
dosto ke sang hasste the bolte the, khushi ke jaam pee rahe the,

ke phir achanak se dastak sunayi di kisi ki,
usse dekh kar mano ke koi hadd hi na rahi meri khushi ki...

dhire dhire main uske pyar me pagal sa hone laga,
din raat zamane ko bhool, uske khyalo me khone laga,

uspe bhi asar meri mohabbat ka khoob chha raha tha,
sach puchho to pahle pyar ka maza hum dono ko aa raha tha,

halki nok-jhok, mithe jhagdo aur beshumar pyar ke sath din guzarte gaye,
sath sath hum unpe aur bhi jada shiddat se marte gaye,

phir aagya wo din jo har ashiq ki kismat me zaroor hota hai,
sacha pyar har baar kurbani dene ke liye majboor hota hai,

aayi wo mere paas kuch majbooriya kuch bhane le kar,
hum ab ek nahi ho sakte aise hi kuch fasane le kar,

ho sake to maaf karna mera isme koi kasoor na tha,
maine bhi hass ke usse vida kiya,
mujhe laga ke main itna kamzor na tha.....

magar jaise jaise din uski vidayi ke nazdik aate gaye,
gum ke kale saye mujh par waise waise chhate gaye,

wo mujhe chord ker chali gayi apne ghar,
main usse dhondhta hua firta raha dar badar,

uske gum me mujhe bimariyon ne gher liya tha,
mujhe uski yaad ne din raat tardap tardap ke marne pe majboor kiya tha,

kuchh waqt me hi main pure shahar me badnaam ho gaya,
ek abhagi maa ka achha beta kisi ki yaado me kho kar gumnaam ho gaya,

ab sab ko mohabbat karne se rokna hi kaam hai mera,
koi ek bhi bach jaye meri wajah se...
to samjhunga ki yahi inaam hai mera......