pyaar ne sirf aanshu to na diye

pyaar ne sirf aanshu to na diye
pyaar ne wo pyaar bhare lamhein
bhi diye the jinhe tum bhool rahe ho.

pyaar ne wo muskaan bhi di thi
jise tum bhool rahe ho.

pyaar ne woh khusnumah ehsaas bhi
diya tha jise tum bhool rahe ho,

pyaar ne sirf aanshu to na diye.

maana pyaar ne gum diya,
ek baar diya phir lagaatar diya,
har baar diya behisaab diya,
par kya wo bhi pyaar ki saugaat nahi?

pyaar ne jab khushi di to muskuraate hue le li,
ab thodi udaasi aayi to ghabraate kyun ho,

pyaar to mausam ki tarah rang badalta hai,
kal phir se bahaar jarur aayegi,

tum himmat mat haaro yun roote kyun ho,
muskuraao ki abhi to jeevan baaki hai,

muskuraao ki abhi to zindagi baaki hai,
muskuraao na jaane kise,
muskaan de jaaye tumhari muskaan..

abhi nahi hai waqt tumhein humse milne ke liye

jab hum tumse kahi door chale jaayenge,
wada hai ki tumhein bohut yaad aayenge,

abhi nahi hai waqt tumhein humse milne ke liye,
tab tumhein saare bite pal yaad aayenge,

karogi dua khuda se ek mulakat ke liye bhi,
par tab tak hum bohut door chale jaayenge,

meri har arzoo jo hoti hai tumse puri,
bas unhi yaadon ke pal saath reh jaayenge,

abhi hai pal to jee lo kuch pal bhi saath mere,
jab chale jaayenge hum to tardapte hi reh jaayenge,

doge aawaz kabhi to hum na laut paayenge,
shayad tab tak hamare laut aane ke har raaste band ho jaayenge,

karta hai gujarish aaj “raaj”, na hone do mujhe apne se juda,

jo gaye bichad tumse ek baar to, phir kabhi na hum mil paayenge. 

tuta hua khwaab hoon main mujhe bhool jana tum

dard bhara nagma hoon mujhe na gungunana tum,
tuta hua khwaab hoon main mujhe bhool jana tum,

dard ki manind mujhe dil mein chhupa lena tum,
aanshuon ki tarha mujhe aankh se na bahana tum,

yeh zakham mere paas tere pyar ki nishani hai,
bhool kar bhi in par na marham lagana tum,

jab kabhi tum tannha ho aur meri yaad statyi ho,
bewaffa hoon main yahi apne dil ko samjhana tum,

mera kya hai ek roz jahan se ruksat ho jaounga,
mere baad na aankhon se moti bahana tum,

tere bina jinda laash hoon, mujhe koi ehsaas nahi,
chhukar mere jism ko koi nayi aas na jagana tum,

jo khushi sapne aur umeedein di thi tum ne,
kasam tumhe unki unko bhi saath lejana tum,

tere ghar ke deepak mein jal raha hai mera wajood,
bhool ke bhi na samjhna mujhe begana tum,

raaj ek kanto bhare gulaab ke siva kuch bhi nahi
usse bhool kar bhi seene se na lagana tum.

tum bin mera jeena bhi kya jeena hai

tum bin kya mera dil dhardak sakta hai,
saase to tumne chura li hai,
ab yeh kar bhi kya sakta hai.

tum bin kya meri zindagi hai,
jaise sagar mein dubti huyi kasti hai,

tum bin mera jahaan suna-suna hai,
tum bin mera jeena bhi kya jeena hai.

tum bin bahut akeli hai meri har shaam,
sharab ka ho jaise khali jam,
tum bin ish tarah kat-ti hai meri raatein.

tannhaiyon mein khud se hi karte hain baatein,
tum bin ab ek pal bhi yeh dil naa dhardak sakta hai,
agar tum naa aayi to sayad yeh dum bhi tord sakta hai. 

thodi door sath chalo

khaatin hai rah-guzr, thodi door sath chalo,
bohut krra hai safar thodi door sath chalo, 

tamaam umr kahaan koi sath deta hai,
yeh janta hoon magar thodi door sath chalo, 

nashe mein chur hoon main bhi, tumhein bhi hosh nahin,
bada maza ho agar thodi door sath chalo. 

yeh ek din ki mulakaat bhi ganimat hai,
kise hai kal ki khabr, thodi door sath chalo. 

abhi to jaag rahe hain chirag rahoon ke,
abhi hai door sehar, thori door sath chalo. 

tawaf-e-manzil-janah hamein bhi karna hai,
faraz tum bhi agar thori door sath chalo. 

humein woh dil se pukaare to koi baat bane

koi hamara haal sawaare.. to koi baat bane,
humein woh dil se pukaare.. to koi baat bane,

shaam to bahut haseen hai aaj ki magar,
isse tumhare saath guzaare.. to koi baat bane,

lardkhada rahe hain tannha wafa ke raste mein,
agar tu apni baahon mein sambhaale.. to koi baat bane,

nazar milane par apna chehra ghumane se nahi,
agar woh aankhon-aankhon mein muskuraye.. to koi baat bane,

raah mein uski palkein bichayi hai “raaj“ jane kab se,
woh agar meri taraf aaye.. to koi baat bane.

kitna karu aur intezaar likh do

ek baar kar ke aitbaar likh do,
kitna hai mujhse pyaar likh do,

kat-ti nahi yeh zindagi ab tere bin,
kitna karu aur intezaar likh do,

taraste rahe hai badi muddat se,
iss baar apni mohabbat ka izhaar likh do,

jada nahi likh sakte to mat likho tum,
mohabbat bhare lafaz.. do chaar likh do,

ek baar likho mohabbat hai mujhe tumse,
phir yahi jumla baar baar likh do.