kuch waade kiye the unhone jo nibha na paaye kabhi

kuch waade kiye the unhone,
woh jo nibha na paaye kabhi,
gila nahi hai unse koi humein,
waade to jhoothe hote hai sabhi.

lekin waade toot jaane se
rishta nahi toot jata,
aise pal mein pyaar ka
daaman to nahi choot jata.

phir kyu woh door chal diye
bikhara kar sapne mere,
aisa laga pehli baar hum
aise apni kismat se haare.

jo hua so hua, jee lenge hum,
beeti yaadon ke sahaare.
yeh soch ke naya mord le aaye hum,
iss sooni zindagi mein humere.

lekin kismat ne aisa khel khela,
ki phir badal di yeh duniya,
jeena to hum bhool chuke the,
chain se marne bhi na diya,

har pal is gum mein roote the,
ke kyu woh humse door hain,
aaj phir laut aaye woh paas humare,
lekin aaj hum majboor hain.