kaise bataoon hai kitni mohabbat tujh se

kuch din ki hai aur doori is pyaar mein,
zindagi shuru hone ke hai intezaar mein,

tum ban jaoge mere umar bhar ke liye,
hongi roshan raatein tere deedaar mein,

tere saason ki mahek se meri subah hogi,
shaam dhalegi teri hansi ki darkaar mein,

ek pal bhi kabhi tujh se juda na rahoon,
jo ho waqt ki raftaar mere pyar mein,

bhar denge tera damaan itni khushiyon se,
tum bhool jaogi khud ko mere aitbaar mein,

kaise bataoon hai kitni mohabbat tujh se,
hai jitni dhadkane is dil-e-bekaraar mein.