jane kitne armaan dil me jaga dete hain woh

dil ki khwahish hai doobne ki ishq ke sagar mein,
par dekhte hi hume nazrein jhuka lete hain woh,

kis tarah samajh sakenge unke jazbaaton ko,
dil ki baaton ko dil hi me daba lete hain woh,

dhoondhte hain unme apni mazil ko kahi,
jane kahaan khud ko chupa lete hain woh,

chahti woh bhi hain nazdikiyan humse,
phir kyu? thaamte hi haath churda lete hain woh,

fitrat mein nahi humari gustakhiya karna,
par humara imaan hila dete hain woh,

sirf toota taara dekhne se nahi hoti khwahishen poori,
iss khayaal se humein bhi sata dete hain woh,

darr lagta hai humein sapne dekhne se ab to,
par jane kitne armaan dil me jaga dete hain woh,

kaise hogi hasrat poori unhein paane ki,
sirf dost hone ka ehsaas dila dete hain woh,

apno ki bheeed me bhi paraye se phirte hain hum,
aur gairon ki mehfil me bhi humein bhula dete hain woh,

gam pehle hi bahut hota hai deewaano ki takdeer mein,
kuch keh kar hassati hai, kabhi chup rehkar rula dete hain woh,

gunaah to sabhi karte hain ishq karne ka,
phir kis naadaani ki saza dete hain woh,

mere piche unka saaya bhi na hoga kabhi,
kyu nahi, iss baat se rubaroo kara dete hain woh.