kabhi zindagi mein saath mera mat chhordna

kabhi zindagi mein saath mera mat chhordna,
khushi ho ya gham mujhse muh mat mordna.

tera haath thama to zindagi lagne lagi hai haseen,
duniya bhar ki saari khushiyan tere sadke afreen,

khushi ke pal mein ashkon se rishta mat jordna.
lafzon mein bayaan nahin kar sakta main teri saadgi,

daaman mein samate hue hai masoom si bekhudi,
khawab khoobsurat dikhakar dil mat tordna.

aise hi mujhse sada tu pyaar karti rahe,
raahe wafa ke har mord par aitbaar karti rahe,
shikwe gile yaad kar dil mat tordna.

shall you be till time comes to an end?

when things are confused I discuss them with you,

until they make sense when something good happens,

you are the first I tell so I can share my happiness.

when I don’t know what to do in a situtation,
I ask your opinion and weigh it heavily with mine.

when I am lonely I call on you because
your wisdom helps me to solve it.

when I want to talk with someone,
I always talk with you because you understand me.

it is so essential to have you in my life,
I have always loved you as my good freind, 

so shall you be till time comes to an end?

mere baba aaj bhi paise bachate hain

purani pant raffu kara pehante jaate hain,
branded new shirt dene pe aankhein dikhate hain,
tutte chasme se hi akhbaar padhne ka luft uthate hain,
topaz ke blade se dhadhi banate hain,
mere baba aaj bhi paise bachate hain.

kapda ka puraana thaila liye,
door ki mandi mein jaate hain,
bahut mol-bhav karke fal-sabji laate hain,
aata nahi kharidte, geyhun piswate hain,
mere baba aaj bhi paise bachate hain.

station se ghar paidal hi aate hain,
rikshaw lene se kat-raate hain,
sehat ka hawala dete jaate hain,
badhti mehngaayi par chinta jatate hain,
mere baba aaj bhi paise bachate hain.

poori garmi pankhe mein bitaate hain,
sardiyaan aane par rajaayi mei dubakk jaate hain,
ac/heater ko sehat ka dushman batate hain,
light-pankha khula chordne par gussa ho jaate hain,
mere baba aaj bhi paise bachate hain.

maa ke haath ke khaane mein ramte jaate hain,
bahar khaane mein aana-kaani machhate hain,
saaf-safayi ka hawala dete jaate hain,
mirch-masala-tel se ghabraate hain,
mere baba aaj bhi paise bachate hain.

guzare kal ke kisse sunate hain,
kaise yeh sab joda, garav se batate hain,
puraane dino ki yaad dilate hain,
bachhat ki ahemiat batate hain,
hamari har maang aaj bhi,
jhat se pura kerte jaate hain,
ha.. mere baba aaj bhi paise bachate hain.

jo keh rahe hai hum har bar nahi kahte

jo keh rahe hai hum har bar nahi kahte,
ke jismo ke milne ko hi pyar nahi kahte.

ke khamosh se aankhein hi keh jaati hai sab kuch,
jo kahe labbo se unko hi ijhaar nahi kahte.

aankhon mein unki aashu kajal se bhi hai pyaare,
ke husn ke sajne ko he shringaar nahi kahte.

jo dil agar hai saccha woh hai milaane waala,
yun hi khuda aye usko hum yaar nahi kahte.

jo keh rahe hai hum har bar nahi kahte,
lagta hai usne meri ebaadat ka sila diya hai,
jis mord pe thokar khaya, unme tumse mila diya hai.

aa chal aansmaan pe koodein, uchal ke phir chaand ko torde

aa chal aansmaan pe koodein,
uchal ke phir chaand ko torde,

baadlon pe girein to boodon pe fislein,
unke saath utar,  zameen ko choomein,

pakad mera haath, chal titliyon pe baithe,
phoolon ke ras ko hum bhi choosein,

bhar ke usse munh mein apne,
bhanware ki tarah hum bhi jhoomein,

dekhte ho kya, chal taaron ko tordein,
bhar ke jeb, jholi ko kholein,

hogi na raat kabhi jebo mein apne,
soch ke yhe hum khush ho lein,

sookha hai to chal uss mein naha lein
baki jo bache to usse baha dein,

girti hai roz subah bina nal khole,
naha kar chidiyon ki tarah chah-chaha lein.

yeh baat samajh mein aayi nahi

yeh baat samajh mein aayi nahi,
aur maa ne kabhi samjhayi nahi,
main kaise meethi baatein karoon?
jab meethi cheeez khayi nahi.

didi roz pakaati hai halwa,
aakhir kyon woh halwaai nahi?
mama ki mangni jab ho gayi kal,
kyon kal hi dulhan mangwayi nahi?
yeh baat samajh mein aayi nahi...

naani ke pati jab nana hain,
dadi ke pati jab dada hain,
tab didi se maine poocha,
baaji ke pati kiya baaja hain?

woh hans hans kar yoon kehne lagi,
aye bhai nahi.. aye bhai nahi,
yeh baat samajh mein aayi nahi,
yeh baat samajh mein aayi nahi...

jab naya mehmaan koi aata hai,
bijli ka bill bard jaata hai,
halaanki baadal bechaara,
yeh bijli mufft lutata hai,

phir humne apne ghar bijli,
kyon badal se lagwayi nahi?
yeh baat samajh mein aayi nahi,
yeh baat samajh mein aayi nahi...

agar billi sher ki mausi hai,
phir humne usse kyon pala hai,
kya sher bahut nalaayak hai,
mausi ko maar nikala hai?

ya jungle ke raja ke yahaan,
kiya milti doodh malayi nahi?
yeh baat samajh mein aayi nahi,
yeh baat samajh mein aayi nahi...

kyon lambe baal hain bhaalu ke,
kyon uss ki chattai krwayi nahi?
kya woh bhi ganda bacha hai,
ya uss ke papa aaye nahi?

yeh usska hair style hai kya?
ya jungle mein koi naayi nahi?
yeh baat samajh mein aayi nahi,
yeh baat samajh mein aayi nahi...

jo taare jagmagaya kerte hain,
kya unnke chachhe taayi nahi?
hoga koi to rishta sooraj se?
yeh baat humein kisi ne batlayi nahi.

par chanda kaise mama hai?
jab mummy ka woh bhai nahi?
yeh baat samajh mein aayi nahi,
aur mummy ne kabhi samjhayi nahi.

main kaise meethi baatein karoon?
jab meethi cheez khai nahi.

unhi purani galiyon mein

aaj chalte chalte pohonch gaya,
unhi purani galiyon mein,

jinh galiyon mein, bachpan mein,
humne kabhi khelna khoodna, seekha tha.

unhi galiyon ke, beecho beech,
abhi bhi hain woh bargad ka perd,

jiski ghani shawon mein baith ker,
baatein karna bajurgon se,
haste haste seekha tha.

wohi thordi door chalte hi,
gali mein, woh konne wala ghar,

jis ghar ke aangan mein,
oongali pakard ker,

kabhi girker to kabhi sambhalker,
humne phele chalna seekha tha.

o yaaro, kaise bhoola doon,
mein uss mitti ko,
jis mitti mein iss beej ne
phele ek chhota sa podda,

phir perd banna seekha tha.

kaise bhoola doon,
uss aangan ko,

jis aangan mein iss diye ne,
tez hawaoon se lardna,
aur jalte rahna seekha tha.

aaj chalte chalte pohonch gaya,
unhi purani galiyon mein,
jinh galiyon mein, bachpan mein,
humne kabhi khelna khoodna,
seekha tha.