darta hoon kahi kho na doon unko

woh mere pass hain.. kya paas bulaun unko,
dil mein rehti hai.. kaha dhundne jaaun unko,

aaj phir pehli mulakaat se aaghaz karun,
aaj phir door se hi dekh ke aaun unko,

kaid kar loon unhein aankhon ke nihga khano mein,
chahata hoon ke kisi se na milaon unko,

unhein duniya ki nigahon se karun mein mehsoos,
woh wahan ho ke jahan hamesa dekh paun unko,

chalna chahe to rakhe paaon mere seene par,
baithna chahe to aankhon pe bithaon unko,

woh mujhe itne acche, itne pyare lagte hain,
kabhi gir bhi jaaye to palkon se uthaun unko,

yaad se unki nahi khaali koi bhi lammha,
phir bhi darta hoon kahi kho na doon unko.

I would cry forever

red are my eyes that wept all night
with your thoughts on my mind,
I would cry forever.

if you can find the glow of the sun
in the painful eyes,
red with tears flooding,
I would cry forever.

if the tears that flow from my eyes
could be the rain that you want to drench in,I would cry forever.

the incarnadine heart beats in anguish
if it could be the beat that will keep you going,
I would cry forever.

the grunt of my soul crying in despair
if it could be the music that
you would cherish listening to,I would cry forever.

itna mat socho

itna mat socho, soch nahi paogi,
meri yaad ki zanjeer se nikal nahi paogi,

aa jaao tum meri inn bahon mein,
hum tumhein dil mein chupa lenge,

tum mujh bacha lo duniya ki ruswai se
hum tum ko seene se laga lenge,

phir tum humko mohabat bhara jaam pila dena,
aur hum tere sanso se sabnam ko chura lenge,

mere tutte huye jism par marham laga doge,
apne nazuk hathon se pyas bujha doge,

yun mujh ko tum apna bana logi,
mujh ko tum mujh se chura logi.

tanhai hogi jab tum paas nahi hogi

tanhai hogi, jab tum paas nahi hogi,
jism mein jaise mere saans nahi hogi.

tanhai hogi, jab tum paas nahi hogi.

aayegi yeh hawaein tera aanchal bankar kabhi,
royegi yeh aankhein baadal bankar kabhi,
na duwayein hogi, na dawaa paas hogi,

tardpega yeh dil, ghaayal bankar kabhi,
jeene ki mujhe koi aas nahin hogi,tanhai hogi, jab tum paas nahi hogi.

khamoshiyon mein teri aawazein dhundha karenge,
mehfil mein bhi tere hi nagme jharenge,
ek baar marte hain log zindagi mein,
tere bin ek baar nahi, hum pal pal marenge,

kya tum bhi mere bin udaas nahin hogi?tanhai hogi, jab tum paas nahi hogi,

hothon se meri yehi fariyaad aayegi,
sach kehta hoon janam teri bahot yaad aayegi,
gar poocho ki yaadein teri kab tak aayegi?
to kahenge din dhalne ke pehle

aur raat aane ke baad aayegi,
tere siwa kisi aur ki talaash nahi hogi,

tanhai hogi, jab tum paas nahi hogi..!

tumhara pyaar hamesha mere sath rahe

kuch bhi kar jaau main tumhare liye,
yuhi tumhara mujhpe vishwas rahe,

pata nahi kya hoga aage zindagi me,
chahat to yuhi hai ki tuhi mera humsafar rahe,

bachi huyi yun aakhri palo ko kuch aise jiyun,
bas un aakhri palo me bhi tera sath rahe,

zindagi ki aakhri saans chale meri tab tak,
khuda kare mere sath tumhara pyaar rahe,

likhna chahta hun main ek aisa nagma,
jo marte dam tak tujhe woh yaad rahe,

bas tumhara pyaar hamesha,

mere sath rahe, mere sath rahe...

kahi mere pyaar ko nazar na lag jaaye

dar lagta hai mujhe zamane se, 

kahi mere pyaar ko kabhi nazar na lag jaaye.

bhool nahi paunga phir main kabhi, 

yeh pyaar bhare pal jo uske sang hain bitaaye. 

sath hai aaj woh iss safar mein mere, 

iss safar mein uska sath mujhse chhut na jaaye.

zindagi meri pyaar mein dubi hai uske, 

jaane se uske yeh zindagi khamosh na ho jaaye.

dhadkne chal rahi hain aaj uske naam se, 

kisi din yeh shishe sa dil tut ke bikhar na jaaye.

aye khuda.. rehm kar raaj pe thoda,
sath uska chhutne se pehle hi yeh sanse tham jaaye. 

nazar na lag jaye pyaar ko zamane ki

kya karu main is berehm lamho ka,
har bar intezar main uska kar leta hun,

kya kahu main ab usse kuch yaaron,
uski sb baate main dil se sun leta hun,

karti hai woh pyaari baate sada mujhse,
main uski dil ki baatein samajh leta hun,

aadat si ho gayi hai ab uski mujhe,
ruthe woh to main sada mana leta hun,

hassi ke sath guzarte hain sath me pal,
raaton ki neend uski main chura leta hun,

nazar na lag jaye pyaar ko zamane ki,
chahat ko uski dil me chhupa leta hun,

har pal woh deti hai mujhe khusiyan,
aur ek main hun ki use yuhi rula deta hun.