aise hote hain pitah

jeevan mila jinse, woh jeevandaan hai pitah,
pukara jaaye chaahe kisi bhi bhasha mein
kehkar papa, baba, babuji...
har boli mein inke liye hai 

wahi pyaar aur samman bhara.

thaame jinki ungli bachpan challa,
jinki majboot kandhon par baithkar duniya dekhi,
godh par baith kiye nakhere dher jinke,
jinhone apne sneh se hamein bada kiya,
woh hai pitah!

choti se choti jeet par bhi jinse shabashi mili,
har haar ko jinhone sikh bataya,
nirash ko door bhagaya,
jeevan ki sachaai se hamein rubaru karaya,
sahi aur galat mein antar samjhaya,
jinhone apne bachoon ke sukh mein hi apna sukh paya,

bachoon ke liye har pareshani haskar uthaaya,
jinki puri sansaar unke bachoon mein hi samaya,
woh hain pitah!

kabhi kadak ho jaate to kabhi naram bade,
lagate hain pabandiyan to kabhi dete hain choot puri,
kabhi hansaate hain to kabhi rulaate hain,
kabhi maa ki daat-maar se bachaate hain,
to kabhi khud hi chapat laga dete hain,
aise hote hain pitah!

pyaar se thapki dekar sulaate hain,
to kabhi khana banakar apne haathon se bhi khilaate hain,
jarurat ho to maa ke bhi saare kartavya nibhate hain,
din raat mehnat kar apne bachoon ke bhavishya ko sawarte hain,
har din, har pal unke ujjwal bhavishwa ke hi sapne bunte jaate hain,
apne har saans ko pitah apne bachoon par lutaaate hain,
kabhi kathor hokar to kabhi mom ki bhaati pighal jaate hain pitah!

aapki bhumika kayi roop se hai...
dhoop gar jalaye to chaao ban jaate hain,
wahi samay aane par ussi dhoop mein tapkar jeena sikhate hain,
baatein jinki hamesa maargdarshan karti hai,
kathinayion se lardte huye, viparit paristhithi mein bhi,
apne sidhanton par chalna sikhate hain,

sath mein ho yaa yaad mein,
inki upastithi hamesa mann ko sukun pohuchati hai,

aise hote hain pitah!

maa-baap ki sewa hi sabse badi puja hai

pitah jeewan hai, sambal hai, shakti hai,
pitah shristi ke nirmaan ki abhi-bhyakti hai,

pitah ungli pakkde bacche ka sahara hai,
pitah kabhi kuch khatta, khabhi khhara hai,

pitah paalan hai, poshan hai, pariwaar ka anushaashan hai,
pitah dhaus se chalne wala prem ka prashasan hai,

pitah rooti hai, kappda hai, makkan hai,
pitah chhote se parindon ka bada aashmaan hai,

pitah niswarth annant pyaar hai,
pitah hai to bachhon ka intezaar hai,

pitah se hi bachhon ke dher saare sapne hain,
pitah hai to baazar ke sab khilone apne hain,

pitah se pariwaar mein pratipal raag hai,
pitah se hi maa ka bindi aur suhaag hai,

pitah parmatama ki jagat ke prati aashakti hai,
pitah grihasta aashram mein uccha sthiti ki bhakti hai,

pitah apne ichhaon ka hannan aur pariwaar ki purti hai,
pitah rakt mein diya hua sanskaaron ki murti hai,

pitah ek jeewan ko jeewan ka daan hai,
pitah duniyan dikhaane ka ehsaan hai,

pitah suraksha hai, sar par haath hai,
pitah nahi to bachpaan anaath hai,

to pitah se bada tum apna naam karo,
pitah ka apmaan nahi, unn par abhimaan karo,

kyuki maa-baap ki kami koi bant nahi sakta,
aur ishwar bhi inki aashishon ko kaat nahi sakta,

vishwa mein kisi bhi devi-devta ka sthaan duja hai,
maa-baap ki sewa hi sabse badi puja hai,

vishwa mein kisi bhi tirtha ki yaatraein byarth hai,
yadi beta ke haathon mein maa-baap ashmartha hai,

woh khushnaseeb hain jo maa-baap ke sath hote hain,
kyuki maa-baap ki aashishon ke hazaron haath hote hain.

jaani pehchani si, ek khoobsurat yaad

kabhi aati hai khamoshi se, chupke se,
sargoshi se, andheri raat mein,

bheegi barsaat mein, kabhi veerane mein,
kabhi anjaane mein, kabhi mehfil mein,

kabhi tanhai mein, koi khabar kyun aati hai,
yeah waqt ke kis wajah se, kis ke liye,

kis ki khatir, kis ke liye,
kya batane, yeah kya hai?

ek ehsaas hai, ek pyaas hai,
phir bhi acchi lagti hai,

anjani si, baygani si,
pehchani si, ek khoobsurat yaad.

baba.. aapko tahhe dil se sukariya

apne pitah ke kandhe mein baitha main,
jab unke kandhe par khada ho gaya,
maine kaha apne pitah se...
dekho baba, main tumse bada ho gaya.

baba ne tab kaha...
beta iss khubsurat galatfehmi mein bhale hi jakkade rahna,
lekin mera haath hamesa pakade rahna,

jis din yeh haath choot jaayega,
beta tera yeh hassin sapna tutt jaayega.

duniya vaastav mein itni haseen nahi hai,
dekh tere paau talle abhi zamin nahi hai,

main to baap hoon beta, bahut khush ho jaaunga,
jis din vaastav mein tu mujhse bada ho jaayega.

magar bete kahdhe par nahi,
jab tu zamin mein khada ho jaayega,
yeh baap tujhe apna sab kuch de jaayega,
aur tere kandhe par duniya se chala jaaunga.

pitah na ho to roti hain ziddhein,
khawaaishon ka dher hota hai,
pitah hai to hamesa bacchon ka dil sher hota hai.

iss matlab bhari duniya mein,
woh be-matlab ki kavitaon ka saar hai,
jinko apne sapnon ko chordkar,
bachhon ke sapnon se pyaar hai,

woh mere pitah mera pehla pyaar hai,
woh iss chhoti si duniya mein mere anant sansaar hai.

kandhon par jhullaaya, kandhon par ghumaaya,
uss pitah ki badolat hi, mera jeewan khubsurat ban paya hai.

kya kahun uss pitah ke baare mein,
jisne sochha nahi kabhi khud ke baare mein,
baba aapne mujhe zindagi bhar diya hai,
aapka tahhe dil se behad sukariya hai.

ek puraani album

 yaadon ki khidkiyon par baitha, beete kal ko jhakk raha tha,
aaj puraani almaari mein, zindagi talaash raha tha.

bhoole bishre geeton ko aaj nayi sargam milli,
dhool se sanni, kone mein padi, ek puraani album mili.

kaale safed liwaz mein lipti, guzare daur ki kahani thi,
shabd nahi the jisme koi, tasweeron ki jubaani thi.

meri muskurahat par the sab nishaar,
main khusiyon ka humsaya tha,
iss tasweer mein woh pal kaid hain,
jab main duniya mein aaya tha.

aankhon mein yaadein bhar aayi, dil tardpar rooya hai,
ek tasweer mein kisi ne budhi daadi ko sanjoya hai.

kahi holi ke rang kaid hain, kahi diwali ki raat hai,
kahi janamdin mana raha hoon main, jaise kal hi hi baat hai.

woh school ka pehla din ho, ya collage mein ki shaitaani,
tasweeron mein simat kar rah gaya, bachpan aur jawaani.

apni har baat kehne se pehle izzajat liya kerta tha,
yeh tasweer tab ki hai,  jab main office jaaya kerta tha.

ghumon se uljhe zindagi ki khuli tab takkdeer thi,
tumhein dekh kar pasand kiya tha, yehi to woh tasweer thi.

aage kuch tasweeron mein kaid, har ek pal hain sunahare,
tum paas mere baithi the, haathon mein the haath hamare.

kuch tasweeron mein aawaz kaid hai, dhol nagade, sehnaai ki,
woh pehla ghar humene liya, woh scooty pehli kamayi ki.

kuch tasweeron mein aanshu hain, jab behno ki bedaai ki,
chote bhaai ke sahare humare ghar mein bhi ek bahu aayi thi.

humsab ko chordkar baba, kyu ek din safed liwaz mein lipat gaye,
haar lagi sunahari frame mein, kyu tum jaa kar simat gaye.

tumhare bhaaiyon ne baba gaao ke ghar ko baat diya,
mere kamjoor haat na pahuch sake, photo itne upaar tang diya.

sabhi pariwaar waalon ne diya mujhe itna pyaar hai,
ab aankho mein dikhata mere tasweer ho jaane ka itnezaar hai,

raakh bankar rah jaauga, baha denge mujhe sangam mein,
tasweer bana dhool khaaunga, kisi purani album mein.

o maai - o maai...

ambar ki uchaai, dharti ki yeh gehraari,
tere hridaay mein samayi.. o maai - o maai.
tere mann amrit ka pyaala, yehi kaaba yehi shivaala,
teri mamta paawan-daayi, o maai - o maai.

hamesa tere sath hi rahoon, main bankar tera humjoli,
tere pas naa jaaun.. chip jaaun, yuh kehlun main aankh micholi,
pariyon ki kahani suna de, koi mithi loori gaa de,
kar de sapna sukhdaayi, o maai - o maai.

sansaar ke taane baane se ghabrata hai mann mera,
inn jhuthe rishton-naaton mein, bas pyaar hai tera hi saccha,
sab sukh-dukh mein dhal jaaye, teri baahein jo mil jaaye,
mil jaaye mujhe khudaayi, o maai - o maai.

phir koi shararat ho mujhse, naaraz karun phir tujhko,
phir gale pe thappi maar ke, shinne se laga le mujhko,
bachpan ki pyaas bujha de, apne haath se phir khila de,
pallu mein band mithai, o maai - o maai.

HAPPY MOTHER'S DAY...!!

waqt ke sath dayarein badaltein logg

waqt ke sath dayarein badaltein logg,
jab jee chaaha anjaan ho jaatein yeh logg.

jab marrzi padein dil-daar ho jaatein logg,
waqt be waqt sanngdil ho jaatein yeh logg.

apni marzii ke maalik hain yahan sabhi logg,
patharr ko bhi tord kar khush ho jaatein yeh logg.

kisi ki kamazori ko garz samajh kar muskuraatein logg,
nafraton ke shehar banatein aur 

uss mein basar kartein yeh sabhi logg.

bas yun hi haste haste chala jaaunga

bas yun hi haste haste chala jaaunga,
doston ab shayad main laut kar nahi aaunga.

par yeh bhi to ek sach baat hai, jo bithe aap sab ke saath,
woh mitthe pal main kabhi nahi bhool paaunga,

par aaj main bhi yahan se khali haath nahi jaaunga,
main jaroor apni yaadon ki mehek yahi chhord jaaunga.

jaanta hoon kahi dil tutte hain meri nadaaniyon se,
par aaj jaate jaate main aap sab se maafi maangna chahunga,

aap ko jo bhi ho mujhse sikhwe gile.. ser aankhon par,
main aaj aap sabhhi ko dua dete jaaunga.

aaj hoon kuch doston ke dilo mein,
par ek din unki yaadon se bhi mit jaaunga.

aaj hoon thoda mashoor aap doston ki badolat,
par waqt ke chalte hi issi bheed mein kahin kho jaaunga.

bas yun hi haste haste chala jaaunga,
doston ab shayad main laut kar nahi aaunga.

jaane kis roz hum yeh baat samajh paayenge

jhoote sapne aankhon mein kab tak hum sajaayenge,
tut jaane par unke.. phir aanshu hum bahaayenge,

hain hum insaan, insaan hona khud mein ek sazaa,
jaane kis roz hum yeh baat samajh paayenge.

jeena humko hai khokle rivaazon ko nibhaate huye,
dharm-o-mazhab ke issi bandhan mein jeeye jaayenge,

hote jo pancchi, naa baandh paati sarhadein bhi humein,
hain jo insaan, bebas bin pankhon ke kahaan jaayenge?

reh jaayegi yeh zindaagi bhi ek samjhauta bankar,
jaan kar bhi hum kuch naa kar paayenge.

kabhi na bhool paau, woh kahani hai pitah

kabhi abhimaan to kabhi swabhimaan hai pitah,
kabhi dharti to kabhi aasmaan hai pitah,
janam diya hai agar maa ne,
jaanega jisse jag, woh pehchaan hai pitah.

kabhi kandhe par bitha kar mela dikhata hai pitah,
kabhi banke ghoda, ghumaata hai pitah,
maa agar pairon pe chalna sikhati hai,
to pairon pe khada hona sikhata hai pitah.

kabhi rooti to kabhi paani hai pitah,
kabhi budhaapa to kabhi jawani hai pitha,
agar maa hai maasum si loori,
to kabhi na bhool paau, woh kahani hai pitah.

kabhi hansi to kabhi anusaasan hai pitah,
kabhi maun to kabhi bhaasan hai pitah,
maa agar ghar mein rasooyi hai,
to chalta hai jisse ghar woh raashan hai pitah.

kabhi khawaab ko pura karne ki zimmedaari hai pitah,
kabhi aanshuon ke chippi lachaari hai pita,
maa agar bech sakti hai jarurat pe gehne,
to jo apne ko bech de woh baypaari hai pitah,

kabhi hansi aur khushi ka mela hai pitah,
kabhi kitna tannha aur akela hai pitah,
maa to keh deti hai apne dil ki baat,
sab kuch samet ke aasman sa failaa hai pitah.

na jaane kitna tannha ho gaya hoon

pattharon ki basti mein jo kho gaya hoon,
isliye bejubaan sa ho gaya hoon.

dum nikalta hai sans lene se,
zindagi se pareshan ho gaya hoon.

ab to zakhmon ka bhi ehsas nahi,
na jaane kitna tannha ho gaya hoon.

sabra ummeedon se nahi hota,
main khud bhi ek dilasa ho gaya hoon.

nigah khamosh itni ho gayi hai,
unhein lagata hai jaise soo gaya hoon.

yun halaat ke hathon mein aaj,
main toota ek khilouna ho gaya hoon.

zakhamon ko naa kuredo.. hare ho jayenge

zakhamon ko naa kuredo.. hare ho jayenge,
mil jaayenge ghum aur woh bahut yaad aayenge,

kitne gehre hain zakham iss dil ke,
miloge jo humse to hum batayenge,

darr hai kahi yeh zakham nasoor na banjayein,
karde unhein jo be-asar woh marham kahan se layenge,

humdard nahi milta zamane mein koi,
saahil par hamein mile agar koi.. 

dard-e-dastaan sunayenge.

teri basti mein dil lagana mushkil tha

teri basti mein dil lagana mushkil tha,
tujhe apni duniya mein lana mushkil tha,
tujh bin mar jana aassan hi lagta mujhe,
tujh bin tannha rehna mushkil tha.

tujh bin wapas aate bhi kaise yaadon ko liye,
yaadon ke kanto ko sath le ke chalna mushkil tha,
ashkon ke kuye se nikal to jaate,
honton pe hansi ki aag lagana mushkil tha.

har afsana teri adaaon pe hi likhte apne lahu se,
khanzaron se dastan likh paana mushkil tha,

hum phir bhi jeete hai sanse kabra mein dafna,
par apna “saccha pyar” dafan kar jaana mushkil tha.

kaun ho tum..

kaun ho tum..? 

kyon mujhse door nahi bhagti ho tum,
mere soone ke baad bhi kyon jaagti ho tum,
aakhir kis haq se pal-pal ka hisaab mangti ho tum?

mere paas uss khuda ki amanat ho tum,
mere seene ki sanso ki chhahat ho tum,
mujh par bewajha jo huyi woh inayat ho tum,
kyon mujhse har pal kayi sawal karti ho tum,
kyon mere liye pal-pal tardpti ho tum?

aakhir kab tak main kaid rahounga teri aagosh mein,
kis din meri ruh ko sakoon milega,
mere jism ko aakhir kab chhordoge tum,
meri sanso se nata kab tordoge tum?

mujhe tumse to aakhir koi gila nahi,
kya hai tere paas jo mujhe mila nahi,
na jaane bahar mein bhi kyon

mera chaman khila nahi,
shayad mere hi naseeb mein aakhir sila nahi,

tujhse bas yehi mujhe shikayat hai,
kyon ab tak mujh pe meharba ho tum,
mere sunne ghar mein aaj bhi mehma ho tum,
mere wajood ka bas aakhri nisha ho tum,

o zindagi aaj mujhe azaad kar de tu,
mere naseeb mein maut ka rang bhar de tu,
meri sansein chhinkar aakhri ehsaan kar de tu,
kyon mujhse waffa kiye jaa rahi ho tum?

jeene ki chhahat ab iss dil mein baki nahi,
iss maikhane mein koi bhi mera saki nahi,
tu ab humein koi nayi rah dikhati nahi,
aakhir kyon humse maut ka rishta nibhati nahi?

o zindagi jaa chhor de mera daman,
teri kaid main ab ghut raha hai mera mann,
tu mujhe azaad kar de...

mere naseeb mein maut ka rang bhar de.

jo mila uski khushi kaisa, jo khoya uska rona kaisa

jo mila uski khushi kaisa, jo khoya uska rona kaisa,
bahar mein ujrde chaman ko, patjhard se bachana kaisa,

tumhari inayaton ka zikar phir kabhi hoga mere dost,
zakham-e-dosti na ho jis mein, woh dil ka afsana kaisa,

manzil par pounch kar bhi karwa ki talash hi rahi,
acha tha hazum ke saath chalna, yun tannha chalna kaisa,

haath se haath kya milana, dil se dil milaao to jaane,
haath mein khanzar dil mein nafrat, yun yaaron se milna kaisa.

taaro ko chand ke paimanaye mein bhar kar kabhi to pilaao,
ashq bhari ankhon ke paimane mein roz-roz pilana kaisa,

khamoshi ki gunj mein cher ke dil ka saz gun-gunaya karo,
lab-e-khamosh se behron ki mehfil mein gun-gunana kaisa,

apne hi dil ke kone mein dhondho us talash ko,
yun tannha parbat-parbat mare-mare phirna kaisa.

kaho kab sath mere isse gungunaaoge

roo-b-roo dar, chale jaane ke baad aaoge,
koun kehta hai ki, ab umra bhar sataoge?

naazron ki adaoun ka kya bayaan karoon,
har lamhein nain tokate hain, ki kab jaaoge?

khud bulaya tha, kai baar bhej kar khabar,
dar pe haazir hoon, kya patah, ki kab bulaoge?

maanta hoon ki, khata mujhse ho gayi hogi,
dour-e-ulfat hai, kab tak wahi duhraaoge?

saath taahashra rahega, yeh zarooree to nahin!
kab talak saath ho, yeh bhi nahin bataaougey?

ruk bhi jaayega agar chaand to, kitne lamahein,
gar marr  jaau main kahi par,  patah lagaaoge?

tamaam dar khule hain dil ke na jaane kab se,
khade rahoge door yaa kadam bardhaaoge?

badalon ne aaj chhupa liya hai chaand seene mein,
ruke rahoge ki baahoun mein aa samaaoge?

sadaayein laakh zehan mein panaah letin hain,
gazal likha hai ek aur tumhare liye, 

kaho kab sath mere isse gungunaaoge?

hum rahein na rahein mehfilein sada raheingi

hum rahein na rahein mehfilein sada raheingi,
kuch kahein na kahein baatein sada raheingi,

dil ko behlaane ke liye shayari ek marz hai,
koi samjhe na samjhe shayari chalti rahegi,

jo ghar kar gaya hai iss dil mein,
ab ussi ki khatir meri rooh zinda rahegi,

hum rahein na rahein mehfilein sada raheingi,
kuch kahein na kahein baatein sada raheingi.

woh lamha yaad aaya ek lamhein ke liye

woh tera muskurana, woh bahon mein mere aana,
woh pal-pal mein aana, woh har waqt mujhe satana,
woh lamha yaad aaya ek lamhein ke liye.

woh tera baat-baat par rooth jana,
woh tujh ko baaton-baaton mein manana,
woh tera pyaar karna, woh raaton ko intezar karna,
woh lamha yaad aaya ek lamhe ke liye.

woh chhup-chhup kar tera milna,
woh meri bechaniyon ko bardhana,
woh har lamhein mein khushiyan talash karna,
woh khushiyon ko samet kar daaman mein bharna,
woh lamha yaad aaya ek lamein ke liye,

woh tera yun hi chale jaana,
woh har kasam ko tord mujhe chord jaana,
woh mere aksh se bhi door na jaana,
woh chord kar mujh ko mere se door jaana,
woh lamha yaad aaya ek lamhe ke liye.

kya tumhein yaad hai woh dilbar deewaana sa

kya tumhein yaad hai woh dilbar diwaana sa,
kuch to pagla sa, kuch woh mastaana sa.

bhool se dil-jalon ki mehfil mein aa gaya woh,
hua uske bhi dil ka phir jalna-jalaana sa.

gham zada tere dil ko thaama, kis dilkashi se,
lubha hi gaya chalkake ankhon se paimaana sa.

kabhi usko bhi jafayein sehni to pardi hongi,
kabhi uski bhi ankhon ne bahaya tha fasaana sa.

khil ke mila woh ajnabi, har ek se aashnaa sa,
goya ke ho woh koyi, shahan-shaah puraana sa.

nigaah-e-mast mein uska, ummeed ke diye jalaana,
kaisa laga uska, diwaana bana, jee ko churaana sa.

tere lafzon mein jhalakti hai ek surat uski,
kaise laga, logon ka usse tera deewana banana sa.

rehta tha jo duuba, apni hi dhun mein magan,
rehne laga anjuman mein, ab juda sa, begaana sa.

bheegi nazzaron se takna, teri berukh adaayein,
aaine se bhi dekha na gaya, uska kumhlaana sa.

ab to woh roye, to rota hi chala jaata hai,
karta hai shayri se, hasraton ka bujhaana sa.

waqt aa hi gaya, hans ke widaa kyun nahin karte,
har baat pe yeh kya ki, bura bhala sunaana sa.

jaane kahan hain manzilein, jaane kahan raah-e-dagar

jaane kahan hain manzilein, jaane kahan raah-e-dagar,
phir iske kyun shikve karein, koi nahi jo humsafar.

haste rahein - rote rahein, baithe rahein - chalte rahein,
kya kya karein, kya naa karein, beete nahi shaamo-sahar,

har shaam par woh aag hai jalti jo tere naam se,
ek hai shama seene mein bhi, roye jo mere haal par,

tere hi kadamon k nishan rahein yaadon ke tanha registaan mein,
woh shaks kis taraf gaya poochha karein deewaro-dar,

subho ki hawa bhi hai yahaan, lekin badi hairan hai,
kisko jaga kare ab, khushbu se kar ke tar-batar,

hota agar main aayina, rakh leta usko kaid kar,
har zakham se deta raahat bankar woh mera doctor.